CRISTNOGBLOG

Emynau - Ysgol Undydd

2011-03-10T11:20:00.000Z

Ysgol Undydd 2011

CYMDEITHAS EMYNAU CYMRU

Yr Athro Len Jones : Lyra Germanica - yr emyn Almaeneg yn ei wisg Gymraeg
Yr Athro D. Densil Morgan : Awen Lewis Edwards, Y Bala
Lansio 'Cân y Ffydd' : detholiad o ysgrifau Dr Kathryn Jenkins ar emynyddiaeth

Dydd Sadwrn
30 Ebrill 2011
11.00 - 4.00

Ysgol Diwinyddiaeth, Astudiaethau Crefyddol ac Astudiaethau Islamaidd
Prifysgol Cymru Y Drindod Dewi Sant, Llanbedr Pont Steffan

Am fwy o wybodaeth, cysylltwch â Delyth Morgans

ymholiadau@emynau.org

Gweithdy Caneuon Cymraeg (2 Ebrill 2011)

2011-01-20T23:23:00.007Z

Cliciwch ar y poster weld fersiwn mwy...

Mae cynnyrch y gweithdai blaenorol ar gael i'w lawrlwythno yma.

Gweithdy Caneuon Cymraeg

2010-09-09T20:43:00.003+01:00

Cliciwch ar y poster weld fersiwn mwy...

13 - 20 Awst 2010 | Haf 10 | Souled Out Cymru

2010-08-08T13:48:00.011+01:00

Llai nag wythnos i fynd..!

Archebwch eich lle heddiw!

Ffoniwch 01678 520565

Cwrs i ieuenctid, myfyrwyr ac oedolion ifanc

Lawrlwythwch y rhaglen >>

Gwyn a Gwridog

2010-07-27T20:35:00.000+01:00

Darlith Flynyddol

CYMDEITHAS EMYNAU CYMRU

“Gwyn a Gwridog”

Caniad Solomon yn emynau Williams Pantycelyn

Robert Rhys

Pabell y Cymdeithasau 1

Maes Eisteddfod Genedlaethol Cymru Blaenau Gwent

Mercher, 4 Awst 2010

10 o'r gloch

Cadeirydd: Dr Rhidian Griffiths

Croeso cynnes i bawb

Taith yr Addewid 2010

2010-06-28T19:45:00.008+01:00

Mwy o wybodaeth >>

Adnoddau newydd i bobl ifanc

2010-06-15T23:20:00.007+01:00

Mae ‘Priodas, Rhyw a Byw yn Ddoeth’ yn gyflwyniad PowerPoint sydd wedi ei gynhyrchu gan Lovewise, elusen Gristnogol o Newcastle-upon-Tyne.

Mae Lovewise wedi bod yn creu adnoddau ar briodas, rhyw a pherthynas, i ysgolion a grwpiau ieuenctid, ers 2003.

Arfon Jones o elusen gig a beibl.net sydd wedi cyfieithu’r cyflwyniad i’r Gymraeg.

Mae Priodas, Rhyw & Byw yn Ddoeth yn edrych ar y dewision sy’n wynebu pobl ifanc, ar briodas, ar fanteision cadw rhyw at briodas, ac ar weddau ymarferol mynd allan gyda rhywun – a hynny o safbwynt Cristnogol.

Mae’r cyflwyniad wedi ei fwriadu i fod yn rhyngweithiol, ac mae’n cynnwys clip fideo o wasanaeth priodas Cymraeg. Mae’r cyflwyniad PowerPoint yn dod gyda sgript sy’n ganllaw i’r cyflwynydd.

Gellir prynu copi o “Priodas, Rhyw & Byw yn Ddoeth” o swyddfa Lovewise drwy ffonio 0191 281 3636 neu e-bostio info@lovewise.org.uk. Y pris yw £10.

Mae gan Lovewise lawer o adnoddau eraill yn yr iaith Saesneg ar gyfer ysgolion a grwpiau ieuenctid. Mae adnoddau amrywiol ar gael, i’w defnyddio gyda blynyddoedd ysgol 5-11. Yn eu plith mae adnodd rhyngweithiol pedair rhan o’r enw ‘Growing up …growing wise’ i’w ddefnyddio mewn ysgolion cynradd. Mae mwy o wybodaeth am yr adnoddau eraill hyn i’w gweld ar wefan Lovewise – www.lovewise.org.uk.

Alffa a Chips (Mehefin - Gorffennaf 2010)

2010-06-10T23:08:00.007+01:00

Ewch i'r digwyddiad Facebook yma.

"Mae llu'r nef yn canu hymnau..."

2010-05-02T17:07:00.000+01:00

CYMDEITHAS EMYNAU CYMRU

YSGOL UNDYDD

Dr Cathryn Charnell-White - Emynau Iolo Morganwg
Parchg Iwan Llewelyn Jones - Dechrau Canu Dechrau Canmol
Dr Rhidian Griffiths - Ieuan Gwyllt a'i Lyfr Tonau Cynulleidfaol

Festri Bethel (Bedyddwyr), Aberystwyth
Sadwrn, 15 Mai 2010
10.30 – 4.30

Am fwy o wybodaeth, cysylltwch â Delyth Morgans:
delythmorgans [malwen] gmail [dot] com
Croeso cynnes i bawb

Adroddiad Blynyddol GiG 2009

2010-04-05T21:04:00.002+01:00

Mae copi o Adroddiad Blynyddol GiG ar gyfer 2009 yn awr ar gael i'w lawrlwytho o wefan GiG - ewch draw at www.gobaith.org.

Penblwydd GiG yn 10 oed!

2009-10-12T22:24:00.011+01:00

Mae gig yn 10 oed! Wnewch chi ddathlu gyda ni?

Roedd sefydlu’r elusen ‘Gobaith i Gymru’ yn 1999 yn gam o ffydd, ond i Arfon roedd yn ymateb i alwad. A gallwn dystio fod Duw wedi bod yn ffyddlon! Rydym wedi rhyfeddu’n gyson at ddaioni Duw a haelioni ei bobl.

Mae llawer eisoes wedi ei gyflawni, ond mae gwaith mawr eto o’n blaenau. Prif brosiect gig, wrth gwrs, fu beibl.net. Roedd Arfon wedi dechrau gweithio ar y syniad o gyfieithu’r Testament Newydd i Gymraeg llafar, syml, tua 1995 – bymtheg mlynedd yn ôl! Ond sefydlu gig ddeg mlynedd yn ôl roddodd y cyfle iddo fwrw ati o ddifrif, a sefydlu gwefan beibl.net yn 2002. Mae’r wefan wedi denu cenhedlaeth newydd o bobl ifanc yn eu harddegau ac oedolion ifanc, ac yn cael ei defnyddio’n rheolaidd gan athrawon ac ysgolion, eglwysi, unigolion ac ysgolion sul.

Bellach mae Arfon, gyda chymorth Angharad Roberts, a nifer o ddarllenwyr, wedi treulio’r blynyddoedd diwethaf yn gweithio ar gyfieithiad llafar o lyfrau’r Hen Destament. A dyma’r newyddion da! – Rydym yn amcangyfrif y gellir cwblhau y cyfieithiad mewn tair blynedd arall!

Rydym yn edrych am 100 o eglwysi fydd yn fodlon sefyll gyda ni, yn bartneriaid, i weld cyfieithiad beibl.net yn cael ei orffen. A fyddai eich eglwys chi yn fodlon cyfrannu’n fisol tuag at y gwaith am y tair blynedd nesaf?

Gallwch wneud hynny trwy lenwi’r ffurflen archeb banc sydd ar gael o www.gobaith.org/cefnogi

Drwy gefnogi beibl.net byddech yn buddsoddi yng ngwaith y Deyrnas, i gyflwyno’r efengyl i’r genhedlaeth sy’n codi. Wrth gwrs, gall unigolion bartneru gyda ni hefyd! A hyd yn oed os nad ydych chi’n gallu cyfrannu’n ariannol, wnewch chi ymrwymo eto i weddïo’n gyson dros brosiect beibl.net am y tair blynedd nesaf? Byddwn yn anfon llythyr gweddi deirgwaith y flwyddyn, i ddweud sut mae’r gwaith yn dod yn ei flaen.

Yn rhwymau’r Efengyl

Owain Roberts
Cadeirydd Gobaith i Gymru

Beth mae pobl yn ei ddweud?

Dwi isio dweud pa mor wych ydy beibl.net! Mae'n ffantastig gallu darllen y gair mewn Cymraeg medra'i ddallt!”

Mari Griffith (Tearfund – Teddington)

“Wedi bod ar beibl.net, ar unig beth dwi'n gallu ddweud ydy WAW!! ffantastic!”

Gwydion Evans

“Mae ein capel ni wedi dechrau gwneud gwaith gyda’r ysgolion lleol yn ddiweddar. Mae beibl.net yn un o’r prif adnoddau y’n ni’n eu defnyddio. Ryn ni’n defnyddio beibl.net am ei fod wedi ei ysgrifennu yn iaith pobl gyffredin ac yn ddigon hawdd i blant 5-11 oed ei ddeall. Mae dros 80% o’r plant ydyn ni’n cysylltu a nhw yn dod o gartrefi Saesneg.”

Ian Hughes

“Er ein bod yn sylweddoli fwyfwy yr angen dybryd am fersiwn o’r Beibl â’i iaith a’i arddull yn nes at yr hyn a arferir ar lafar, ac a fyddai felly’n fwy rhydd a phoblogaidd ei naws ac a fyddai hefyd, o bosibl, yn nes at fod yn aralleiriad nag yn gyfieithiad, nid oedd y Cydbwyllgor na’r panelau yn ystyried mai dyna ein tasg ni.”

Rhagarweiniad Cyffredinol, Beibl Cymraeg Newydd (Argraffiad Diwygiedig)

“Beth yw beibl.net i mi? Ateb i weddi – ‘lifeline’. Ces i fy magu mewn cartre di-gymraeg, ac yn cael yr hen gyfieithaid Cymraeg a’r Beibl Cymraeg Newydd yn anodd i’w deall. Mae beibl.net wedi agor y gair i mi yn yr iaith dw i’n ei charu, ac mewn Cymraeg dw i’n ei ddeall.”

Lewis Roderick

“Credaf bod beibl.net yn adnodd hynod o bwysig i blant a ieuenctid heddiw, ac yn un y mae Cyngor Ysgolion Sul Cymru yn awyddus iawn i'w gefnogi a'i hyrwyddo. Gobeithiwn weld yr adnodd hwn yn cael ei ddatblygu fwyfwy eto, i gynnwys yr Hen Destament a mwy o adnoddau atodol. Cefnogwn unrhyw ddatblygiad o'r adnodd hynod gyffrous hwn.”

Aled Davies, Ysgrifennydd Cyffredinol Cyngor Ysgolion Sul Cymru

beibl.net yn eich poced!

2009-09-19T17:19:00.010+01:00

Mae beibl.net bellach ar gael ar eich ffôn symudol. Gallwch lawrlwytho copi o'r Testament Newydd o'r wefan yma.

Mae beibl.net yn un o brosiectau

Haf 09 | Souled Out Cymru - Lawrlwythwch y rhaglen!

2009-08-13T09:04:00.014+01:00

14 - 21 Awst 2009 | Coleg y Bala

Mae rhaglen lawn ar gael bellach
i'w lawrlwytho o'r wefan yma.

www.souledoutcymru.net

Tearfund yn 'Steddfod Bala

2009-07-28T12:11:00.004+01:00

Nid oes gan 900 miliwn o bobl ddŵr glân ac nid oes mynediad gan 2.5 miliwn o bobl mynediad at doiled derbyniol.

Dyna pam fod Tearfund Cymru yn ystod yr Eisteddfod Genedlaethol yn Y Bala eleni am dynnu sylw at yr anghyfiawnder yma, drwy gystadleuaeth taflu papur ty bach.

Yn Affrica, mae hanner y merched yn peidio mynd i'r ysgol gynradd oherwydd fod angen iddynt gasglu dŵr neu oherwydd nad oes gan eu hysgol doiled digonol.

Os nad oes gan bobl fynediad at toiled, mae peryg iddyn nhw gael eu brathu gan nadroedd yn y gwair, a gall merched gael eu targedu a'u treisio'n rhywiol wrth iddyn nhw fynd allan yn y nos i doilet awyr agored.

Meddai Hywel Meredydd (Cyfarwyddwr Tearfund Cymru):

‘Yn 2000, roedd dros 50 o wledydd wedi cytuno i Dargedau Datblygu y Mileniwm gan y Cenhedloedd Unedig i gyflawni, ymysg pethau eraill, gweithredu ar ddŵr a thoiledau erbyn 2015. Ond mae arweinyddion byd yn gwneud cynydd araf iawn. Mae hyn yn golygu na chaiff miliynau o bobl ddŵr glân tan 2035, neu doiled cyn 22ain ganrif’

Meddai Mari Williams (Ymgynghorydd Polisi Glanweithdra Tearfund):

‘Mae mwy na 5,000 o blant yn marw bob dydd oherwydd dŵr budr a diffyg glendid. Gweledigaeth Tearfund ar gyfer dŵr a glendid erbyn 2015 yw i roi addysg am lendid i 6 miliwn o bobl, mynediad i ddŵr glân a toiled derbyniol i 3 miliwn o bobl a effaith bositif polisiau rhyngwladol gwell i 2.5 biliwn o bobl.

Rydym ni'n galw yn awr ar y Prif Weinidog i weithredu ar ddŵr a glendid, mae'n anheg fod bron i 900 miliwn o bobl heb fynediad i ddŵr glân, tra bod 2.5 biliwn o bobl yn byw heb doiled derbyniol.

Galwch heibio stondin Tearfund ar Faes yr Eisteddfod i glywed mwy am yr ymgyrch bwysig hon.

14 - 21 Awst 2009 | Haf 09 | Souled Out Cymru

2009-07-27T14:55:00.011+01:00

Archebwch eich lle heddiw!

14 - 21 Awst 2009 | Coleg y Bala

Ewch i www.souledoutcymru.net am fwy o fanylion

ac i lawrlwytho ffurflen gofrestru!

Adnoddau Newydd ar Beibl.net - Cwisiau Rhyngweithiol

2009-07-21T14:26:00.018+01:00

Erbyn hyn mae ‘na 50 o gwisiau PowerPoint lliwgar i blant ar wefan beibl.net.

Mae’r cwisiau yn lliwgar a rhyngweithiol – rhai yn haws na’i gilydd. Mae rhai cwestiynau’n hollol syml, ‘Pwy oedd mam Iesu Grist?’ tra bod cwestiynau eraill yn cynnig mwy o her, ‘Beth oedd enw mam Moses ac Aaron?’.

Mae ‘na gwisiau am bobl yn y Testament Newydd a phobl yn yr Hen Destament, yn ogystal â chwisiau am lefydd, mynyddoedd a gwaith yn y Beibl.

Mae’n bosib lawrlwytho’r cwisiau a’u cysylltu â thaflunydd er mwyn chwarae’r gemau gyda criw o blant mewn clwb neu Ysgol Sul. Mae’n bosib hefyd i blentyn eistedd o flaen y cyfrifiadur a phrofi ei hun yn y tŷ!

I weld yr adnoddau newydd ewch i:

www.beibl.net > Adnoddau> Eglwysi> Gemau

un o brosiectau Gobaith i Gymru (GiG)

Barbeciw yng Ngholeg y Bala wythnos 'steddfod

2009-07-21T08:19:00.001+01:00

Eisteddfod 2009 yng Ngholeg y Bala

Gwasanaeth i'r Teulu â Barbeciw

Prynhawn Iau, Awst 6ed 5 o’r gloch

Oedolion £5.00 Plentyn £2.00

Llenwch y bonyn a’i ddychwelyd i’r Coleg neu Babell yr Eglwysi ar y Maes neu ffoniwch y Coleg ar 01678 520565 os gwelwch yn dda erbyn dydd Mawrth 4ydd.

Coleg y Bala
Ffordd Ffrydan
5 munud o faes yr Eisteddfod.
Croeso cynnes i bawb!

Gwasanaeth Amgen yn 'steddfod Bala

2009-07-18T10:19:00.006+01:00

Gwasanaeth Amgen

yng ngofal Gwyn Rhydderch a chyfeillion: cyfle i bawb o bob oed i ddod ynghyd i addoli Duw a gwrando ar dystiolaeth thai o bobl ifanc Cymru

Dydd Sul 2 Awst (Sul cyntaf y 'steddfod)
5pm - Coleg y Bala
5 munud o faes yr Eisteddfod

Croeso i Bawb!

16 Awst 2009 | Digwyddiad 09 | Souled Out Cymru

2009-07-08T13:24:00.005+01:00

Rhan o ddigwyddiadau Haf 09 | Souled Out Cymru

Am fwy o fanylion
Ewch i www.souledoutcymru.net
neu
E-bostiwch gwybodaeth@souledoutcymru.net

Y Gorlan yn Eisteddfod Bala 2009

2009-07-07T16:19:00.003+01:00

Pabell fwyd a diod 24 awr yw'r Gorlan wedi ei leoli ar Faes Ieuenctid yr Eisteddfod Genedlaethol. Mae'r Gorlan yn cael ei redeg gan Gristnogion sydd yn gwirfoddoli i roi o'i hamser o flwyddyn i flwyddyn. Gwneir pob ymgais i gadw'r prisiau mor rhesymol a phosibl, mae unrhyw elw yn mynd at dalu costau cadw'r Gorlan i fynd. Mae unrhyw arian ychwanegol yn cael ei roi i gefnogi gwaith elusennau megis Tearfund sydd yn gweithio i leihau tlodi yn y trydydd byd. Bwriad y Gorlan yw darparu gwasanaethau ymarferol a chymorth i bawb sydd yn aros neu yn ymweld a Maes Ieuenctid yr Eisteddfod. Yn ogystal a llenwi'r gwagedd neu'r gwacter corfforol, rydym am ddangos bod Cristnogaeth yn berthnasol ac yn fyw yng Nghymru heddiw a bod rhywbeth ar gael i lenwi'r gwacter ysbrydol ym mywydau pobl heddiw hefyd – sef Newyddion Da yr Efengyl!

Mae'r Eisteddfod eleni yn Y Bala yn argoeli i fod yn un arbennig o brysur i'r Gorlan oherwydd fod Eisteddfodau'r gogledd yn tueddu i fod yn brysurach ar y cyfan ac yn y Bala bydd yna brinder llefydd yn gyffredinol i bobl fwyta a chael lloches felly rydym yn rhagweld y bydd gennym ni nifer sylweddol uwch o bobl yn dod atom am wasanaeth.

Dyma air caredig felly i ofyn am ddau beth gan ddarllenwyr cristnogblog. Yn gyntaf gofynnaf i chi weddïo dros y gwaith; diolch i'r Arglwydd yn gyntaf am ei ffyddlondeb yn paratoi a gweld yn dda i gynnal y genhadaeth yma ers ugain mlynedd bellach. Gweddïo yn ogystal dros y trefniadau eleni; ar yr ochr ymarferol gweddïo y bydd pethau megis y dŵr a'r trydan yn gweithio'n hwylus ynghyd a gweddïo dros ddiogelwch ein gweithwyr, llawer ohonynt yn ifanc, yn ystod yr oriau bach lle mae pethau'n tueddu i fynd dros ben llestri ar adegau! Ar yr ochr fwy ysbrydol gweddïwch os gwelwch yn dda y bydd ein gweithwyr yn cael eu paratoi i wasanaethu eu cyd-Gymry yn yr ysbryd cywir – ysbryd cariad aberthol Iesu. Gweddïwch hefyd y bydd tystiolaeth Y Gorlan yn plannu hadau ffydd ym meddyliau a chalonnau'r Cymry yma fydd Y Gorlan yn eu gwasanaethu.

Mi fydd y Gorlan yn gweithredu ar gynllun shifftiau pedair awr: 8am-12pm, 12pm-4pm, 4-pm-8pm, 8pm-12am, 12am-4am, 4am-8am. Y shifft frecwast ynghyd a'r oriau rhwng wyth y nos a phedwar y bore yw'r prysuraf fel arfer. Mi fyddem ni fel tîm yn hynod ddiolchgar petai rhai o ddarllenwyr cristnogblog, does ots beth yw eich oedran, yn ymuno a ni am gyfnod yn ystod yr wythnos. Does dim rhaid gwneud shifft lawn os mae dim ond awr neu ddwy sydd yn rhydd gyda chi – mi fyddwn ni'n falch o unrhyw gymorth gan ein brodyr a'n chwiorydd yng Nghrist.

Gellid gweld fideo o'r Gorlan ar-waith ynghyd a fideo yn adrodd stori Lewis a ddaeth i ffydd drwy dystiolaeth y Gorlan rai blynyddoedd yn ôl ar ein gwefan: www.ygorlan.com. Am wybodaeth bellach e-bostiwch fi ar rhys@ygorlan.com neu rhowch ganiad i mi 07834556202.

Dechrau'r Dyfodol

2009-07-06T10:39:00.012+01:00

www.taith09tour.com

4 o gigs o gwmpas Cymru - dewch â'ch clwb plant/ieuenctid, eich ffrindiau, eich rhieni, eich nain, eich ci - PAWB!

25.07.09 Berea Newydd, Bangor
26.07.09 Morlan, Aberystwyth
27.07.09 Milkwood Jam, Abertawe
28.07.09 The Gate, Caerdydd

Gall fod yn Ddechrau'r Dyfodol - peidiwch â cholli'r cyfle!

Derek, Aron a Rhys - Bugeiliaid newydd

2009-06-27T20:40:00.004+01:00

Ar fore dydd Llun cynhaliwyd Cyfarfod Blynyddol y Coleg Gwyn, coleg y Bedyddwyr ym Mangor. Y drefn arferol yw sicrhau ryw awr frysiog ynghanol rhaglen lawn yr Undeb ond braf oedd cael cyfle eleni i gynnal cyfarfod mwy hamddenol yn y Coleg ei hun a hynny ymhlith nifer dda o gyn-fyfyrwyr a ffrindiau, yn ogystal â’r staff, rhai o’r myfyrwyr presennol. Cafwyd adroddiadau cadarnhaol am weithgaredd y Coleg yn ystod y flwyddyn gan y Warden, Densil Morgan, a’r Cyfarwyddwr Hyfforddiant, Ieuan Elfryn Jones. Roedd hi'n grêt clywed bod gan y Coleg bellach bedwar ymgeisydd ar gyfer y weinidogaeth, sef Derek Rees, Aron Treharne, Rhys Llwyd (ar yr ochr Gymraeg) a William Powell (ar yr ochr Saesneg). Roedd tri ohonynt yn bresennol yn y cyfarfod a dymunwyd yn dda iddynt yn eu paratoadau!

beibl.net - Adnoddau ABaCh AM DDIM i athrawon!

2009-06-24T19:53:00.010+01:00

Mae adnoddau ABaCh yn awr ar gael AM DDIM i athrawon ar wefan beibl.net >> yma

Dyma grynodeb o'r hyn sydd ar gael ar gyfer pynciau gwahanol:

Taflen wybodaeth: Braslun o’r pwnc dan sylw o fewn fframwaith Cristnogol. Nid gwersi yw rhain, ond syniadau a gwybodaeth ar gyfer athrawon. Mae deunydd trafodaeth a chwestiynau i feddwl ymhellach yn eu cylch.

Adnodau: detholiad o adnodau perthnasol, sef yr adnodau y cyfeirir atynt yn y Daflen Wybodaeth. Daw’r adnodau i gyd o gyfieithiad www.beibl.net.

PowerPoint: Un sleid liwgar gydag amrywiol ddarluniau a geiriau, i’w defnyddio mewn sesiwn trafod syniadau. Mae’r lluniau yn ogystal a’r geiriau yn ysgogi trafodaeth. Mae sleid PowerPoint ar fwrdd gwyn yn ffordd gyfleus o rannu dogfen gyda dosbarth cyfan.

Mae’r ddwy ddogfen ganlynol yn ddogfennau pdf – bydd angen Adobe Reader i’w hagor a’u darllen. (Gellir lawr-lwytho Adobe Reader am ddim yma.)

Du a gwyn: Hawdd i’w llungopïo!

Lliw: Defnyddiol ar gyfer creu arddangosfa. Hefyd, os am drafod amrywiol destunau mewn gwahanol grwpiau mae un poster lliw rhwng grŵp yn gallu bod yn llawer mwy effeithiol nag un du a gwyn.

Adnoddau amrywiol: Gyda rhai testunau yn unig. Gwersi, syniadau am drafodaethau ayyb.

5 Medi 2009 | Rhwydwaith 09 | Souled Out Cymru

2009-06-15T15:57:00.016+01:00

DYDDIAD I'R DYDDIADURON > Dydd Sadwrn, 5 Medi 2009

Y cyntaf o ddigwyddiadau undydd
Sadwrn | Souled Out Cymru

Cwrs Rhwydwaith
gyda
Andy Herrick, Aberystwyth

Cyfle i ddarganfod dy ddoniau ysbrydol, dy arddull bersonol,
a'r tân a roddwyd i ti gan Dduw i wasanaethu yng nghorff Crist.

Mwy o fanylion ar y wefan >> www.souledoutcymru.net

Gwefan Newydd - Trobwynt

2009-06-15T14:46:00.004+01:00

Beth yw Trobwynt?

Elusen Gristnogol yn cynrychioli rhai o eglwysi ardal Llŷn ac Eifionydd, Gwynedd yw Trobwynt. Y mae Trobwynt yn cyflwyno’r ffydd Gristnogol i’r ieuenctid gan wasanaethu’r bobl ifanc, ysgolion a theuluoedd trwy bartneriaeth gyda’r Eglwysi lleol.

Ewch i'r wefan yma.

Cyfarfod Gweddi Abertawe

2009-06-15T14:34:00.005+01:00

7.00yh, Nos Lun
15 Mehefin 2009

Cyfarfod arbennig iawn i rannu'r weledigaeth a chael cyfle i weddio dros y datblygiadau cyffrous yn Abertawe.

Mae Undeb Bedyddwyr Cymru mewn partneriaeth gyda Cymru Gyfan wedi galw John Derek Rees i arwain eglwys newydd Gymraeg ei iaith yng nghanol dinas Abertawe. Dyma fydd yr eglwys Gymraeg cyntaf i gael ei blannu ers blynyddoedd mawr.

Anogwn bawb sydd a diddordeb ymuned a'r fenter neu sydd am gefnogi drwy weddi i fynychu'r cyfarfod hwn er mwyn gweddïo dros ein cyfaill Derek a dros bawb arall sydd ynghlwm wrth y trefnu.

Trefnwn y cyfarfod hwn gyda'r gred bendant y bydd cefnogaeth weddi dros y gwaith yn cael effaith uniongyrchol ar y gwaith cyffrous hwn.

Bydd cyflwyniad gan Derek er mwyn rhannu'r weledigaeth a sôn lle mae'r trefniadau arni ar hyn o bryd ac yna cyfle i bawb ymuno mewn gweddi dros y gwaith.

Cynhelir y cyfarfod yn Tŷ Tawe, Stryd Christina, Abertawe, SA1 4EW

Am fwy o wybodaeth cysylltwch a Derek ar 07833 221117 neu derek@abertawe.info

http://www.abertawe.info/

Apel De Affrica - Gwerthiant Lluniau Peter Spriggs

2009-05-04T12:14:00.002+01:00

[Cliciwch ar y llun i weld y manylion i gyd]

Croeso i Llanw!

2009-04-04T20:20:00.001+01:00

[cliciwch ar y ddelwedd i'w weld yn fwy]

www.llanw.org

Adroddiad o Gynhadledd CymruGyfan 2009 (Rhan 2)

2009-03-14T11:37:00.001Z

...parhad o'r cofnod blaenorol

Yr apostol tu ôl i'r fenter ydy gŵr o'r enw David Ollerton, cyn-weinidog Eglwys Fedyddiedig Rhiwbeina yng Nghaerdydd a bellach mae'n arwain eglwys newydd sbon sydd wedi ei phlannu ym Mhorthcawl. Dyma ŵr y mae Duw wedi ei ddewis a'i ddonio fel apostol cyfoes i ni yng Nghymru. Ers cynhadledd gyntaf a chychwynnol CymruGyfan yn 2005 fe ddioddefodd David Ollerton o Gancr difrifol iawn; dywedodd y doctor wrtho fod ei gyfle i oroesi yn 10% yn unig. Cafodd lwyr iachâd, ac y mae yn awr wedi ail-gydio yn ei rôl apostolaidd, clod i Dduw!

Dau her benodol y gwelais i oedd yn codi yn y gynhadledd i gapelwyr traddodiadol. Yn gyntaf roedd hwn yn ddigwyddiad nad oedd o'r rheidrwydd yn rhyng-enwadol nac yn gyd-enwadol ond yn hytrach roedd yn debycach i ddigwyddiad ôl-enwadol! Ddim fod perthynas na thraddodiad Cristion yn amhwysig ac yn cael ei ddifrïo, ond yn hytrach fod yna barch teg i'r perthyn a'r traddodiadau gwahanol. Roedd hi'n chwa o awyr iach er enghraifft i weld Marc Owen (Ysgrifennydd Bywyd Eglwys, Undeb Bedyddwyr Cymru) yn rhannu llwyfan a gweledigaeth gyda unigolion fel Elfed Godding (Ysgrifennydd Cyffredinol y Gynghrair Efengylaidd) ac hefyd unigolion fel Julian Richards (arweinydd Eglwys Cornerstone, Abertawe). Ni fyddai'r ffasiwn beth wedi digwydd ddeng mlynedd yn ôl ond y mae amgylchiadau a difrifoldeb ein sefyllfa ysbrydol, ynghyd ac arweiniad amlwg yr Ysbryd yn y gwaith, yn golygu y bod uno dan groes Iesu yn digwydd heddiw.

Yr ail her i gapelwyr traddodiadol yw i ni wylio rhag bod yn ddiffoddwyr tân! Rhaid i ni beidio taflu dŵr oer ar unrhyw waith newydd os nad ydyw'n union beth rydym ni wedi arfer ag ef. Mi fydd darllenwyr hanes yn gyfarwydd gyda'r hanesion am agwedd ddirmygus Clerigwyr yr Eglwys Wladol tuag at weinidogaethau a chenadaethau'r ymneilltuwyr a'r Methodistiaid cynnar. Rhaid i ni wylio rhag syrthio i'r un camgymeriad a'r cenedlaethau a fu; rhaid cefnogi, annog a gweddïo dros y gwaith newydd yn hytrach na phwdu mewn ton o eiddigedd.

Rydym ni'n byw mewn cyfnod anodd a llwm ar un llaw ond cyffrous ar y naill a'm cais i fel Cristion ifanc ydy i chi'r genhedlaeth hŷn wneud popeth o fewn eich gallu i hwyluso unrhyw fentrau neu chenadaethau newydd fydd Duw yn defnyddio rhwydwaith CymruGyfan a'i was David Ollerton i'w sefydlu a'u plannu. Maen amser i wneud nid dweud.

Mwy o wybodaeth: www.cymrugyfan.org

Mwy o luniau o'r diwrnod

Adroddiad o Gynhadledd CymruGyfan 2009 (Rhan 1)

2009-03-14T11:24:00.003Z

Roedd hi'n fraint cael mynychu cynhadledd CymruGyfan yn y Drenewydd wythnos diwethaf. Bu i mi gyrraedd ychydig bach yn hwyr – roedd hi'n dipyn o daith i gyrraedd yno o Fangor erbyn deg y bore; wrth i mi gyrraedd roedd y maes parcio'n orlawn ac wrth i addoliad y bore ddechrau dyma fi'n sleifio i mewn i'r cefn a'm syfrdanu gyda'r nifer oedd wedi dod ynghyd – dros ddau gant oliaf. Torf o bobl Dduw oedd wedi troi eu hanobaith yn obaith. Wedi troi eu cwyno yn weithgarwch. Wedi troi eu consyrn am Gymru yn eirioldeb gerbron Duw dros ein cenedl. Roedd yn y gynhadledd hon gred ddiysgog fod Duw yn gallu adfywio ei waith yng Nghymru, cred hyd yn oed fod Duw wedi dechrau'r adfywio hyd yn oed.

Pwy neu beth ydy CymruGyfan felly? Maen symudiad sy'n rhwydweithio i blannu eglwysi newydd neu i gryfhau rhai sydd yn bod eisoes, yn ôl y galw. Maen nhw'n teimlo'r Ysbryd Glân yn gweithio drwy rwydweithiau, ac yn cael eu harwain i weithredu yn awr i symud ymlaen ar fyrder. Mewn gair, nid siop siarad ydy CymruGyfan ond pobl sydd am weithredu. Mae CymruGyfan yn edrych i feithrin cyd-weithrediad ymhlith Cristnogion, er hyrwyddo plannu eglwysi newydd a chryfhau eglwysi presennol, a fydd yn gweld cynyddu nifer yr eglwysi hyfyw yng Nghymru. Maen nhw'n gweithio gyda rhwydweithiau a grwpiau o eglwysi sydd yn rhannu eu gwerthoedd, boed y rheiny o blith yr enwadau Anglicanaidd, Bedyddwyr, Diwygiedig, Carismataidd, cyfrwng Cymraeg neu’n annibynnol o unrhyw enwad. Nid yw hi’n fwriad gyda'n nhw i ffurfio enwad newydd na chorff o eglwysi eu hunain; mae hyn yn bwynt pwysig i gofio.

Mae bwriad Iesu i adeiladu ei eglwys yr un o hyd (Mathew 16:18). Mae CymruGyfan yn credu ein bod yn byw mewn dyddiau o gyfleon, o adnoddau, o ryddid i ledaenu yr Efengyl, ac i gychwyn eglwysi newydd. Wrth inni weld cymdeithas yn cael ei darnio, lledaeniad anghyfraith, a seciwlariaeth yn rhoi bod i anobaith, daw Eglwys yr Arglwydd Iesu yn fwy amlwg yn ei safiad dros wirionedd, cymod a gobaith. Mae’r byd ar ei waethaf angen eglwysi ar eu gorau. Ar ddechrau’r unfed ganrif ar hugain mae llawer o ardaloedd yng Nghymru’r prysur droi yn anialdiroedd ysbrydol gyda chynulleidfaoedd yn heneiddio, adeiladau’n cau, yr Efengyl yn anaml ei phregethiad ac ond ychydig iawn o ddisgwyl unrhyw newid er gwell.

Y gred yn y gynhadledd oedd ei bod yn amser i ufuddhau i Gomisiwn Iesu. Canrif a hanner yn ôl, roedd mwyafrif poblogaeth Cymru yn cael y cyfle i wrando ar bregethu efengylaidd, efengylaidd yng ngwir ystyr y gair nid efengyliaeth fodern-Americanaidd! Deg a thrigain o flynyddoedd yn ôl, cyrhaeddwyd pen-llanw yn rhif ‘aelodaeth’ capeli Cymru. Heddiw, yn ôl rhaid ystadegau, mae’n debyg na ellir disgrifio ond tua 2% o’r boblogaeth fel Cristnogion byw. Does gan ddwsinau o drefi, na channoedd o bentrefi ddim tystiolaeth, ac fe welir dirywiad cyson ymhlith y rheiny sydd â thystiolaeth o’r fath ganddynt. Mae yna eglwysi cryfach sydd yn gwasanaethu yn effeithiol o fewn y cylch o’u cwmpas ac yn cefnogi gwaith tramor, ond prin yw’r rhai sydd â strategaeth glir nag ymrwymiad i’w cenedl eu hunain, ein cenedl ni. Y consensws yn y gynhadledd oedd fod yr Arglwydd Iesu yn ewyllysio gweld eglwysi byw, sy’n anrhydeddu y Beibl, ym mhob rhan o Gymru gan gynnwys ardaloedd canol dinas, cymunedau’r cymoedd, Canolbarth Cymru a chymunedau Cymraeg eu hiaith.

Parhad yn y cofnod nesaf...

Mwy o luniau o'r diwrnod

Adolygiad Arawn o HWFN?

2009-03-12T11:25:00.001Z

Powys, Drenewydd, Cefn Lea. Chwefror yr ugeinfed hyd at yr ail ar hugain. Mae hi siŵr o fod yn iawn i fi ddweud bod pawb a fynychodd y penwythnos wedi mynd am resymau gwahanol iawn. Rhai yn mynd i weld ffrindiau eto neu gneud ffrindiau newydd, rhai yn mynd oherwydd bod pawb yn ei hundeb Gristnogol hwynt yn mynd, rhai eraill yn mynd er mwyn ceisio ail lenwi’r tanc ysbrydol hyd yn oed. Ond un peth sydd yn sicr o’r sgyrsiau dwi wedi ei cael ar ôl Hen Wlad fy Nhad? Ydy bod Duw wedi defnyddio a bendithio pawb oedd yn bresennol drwy atgoffa, datgelu a tynnu pawb yn agosach at wirioneddau’r Efengyl.
Hawdd ydy ceisio cyfiawnhau’r patrwm bywyd yr ydym yn ei fyw yn ddyddiol. Gydag amryw o gelwyddau ac esgusodion pitw sydd yn cael ei llunio er mwyn gwneud i ni ei hunain deimlo yn well am y pechodau bach yr ydym yn ei gwneud a’i meddwl. A drwy hyn yn colli’r parchedig ofn tuag at Dduw oedd mor hanfodol i’n tröedigaethau personol ni.
Ond drwy neges glir llyfr Hosea (penodau 1,2 a 3) a gafodd ei bregethu syml ac eglur gan Jonathon Thomas. Gwelwyd sut oedd aberth Iesu Grist i fod i neud ni deimlo, cefais fy atgoffa o’r ffaith bod Duw wedi gneud cymaint er fy mwyn. “Fe’th ddyweddïaf a mi mewn ffyddlondeb, a byddi’n adnabod yr Arglwydd” (Hosea 2. ad20) . Gwelwyd pa mor ddinistriol ydy cael trydydd person neu gwrthrych arall rhwng ni a Duw fel yn sefyllfa Israel a Duw yn hanes llyfr Hosea.
Teitl y penwythnos oedd Talu’r Pris. Dwi’n cofio eistedd yn yr anerchiad cyntaf a meddwl, ‘Sut ma’ Jonathon am fynd ati i bregethu neges mor gyfarwydd mewn ffordd ffresh oedd yn newydd i fi’.
Y weddi gyntaf; “Defnyddia Jonathon i rannu dy air, rho dy Ysbryd Glan ar y gwaith yma yn Hen Wlad fy Nhad.”
Yn syth, roedd Duw wedi fy atgoffa i o un o’r gwirioneddau mwyaf. Roedd pethau yn argoeli i fod yn benwythnos heriol iawn.
Roedd trefn y penwythnos yn un a oedd yn rhedeg yn rhwydd, ysgafn gyda digon o amser i gymdeithasu. Cafwyd seminarau buddiol iawn ar ‘Y Cristion yn yr Eglwys a oedd yn cael ei arwain gan David Ollerton, Yn y Gymdeithas gan Elen Elias ac yn drydedd Y Cristion yn dioddef gan Steffan a Deborah Job.
Gwych oedd clywed gwaith Undebau Cristnogol ar draws Cymru yn ffynnu a llwyddo yn Nwylo cadarn doethineb yr Arglwydd.
I gloi, mae yn rhaid diolch i’r canlynol am yr holl waith trefnu, CymruGyfan, GIG, MEC, UCCF a’r Gorlan. Penwythnos hyfryd sydd yn llwyddo i ddenu Cristnogion ifanc o bob cwr o Gymru i glywed newyddion da'r Efengyl, sydd yn wych. Ond eto sydd ddim ofn herio’r pechadur hunangyfiawn.

Cwis Teuluol yn Nhabernacl, Treforys, 27 Chwefror 2009

2009-01-24T09:59:00.001Z

Cenhadaeth Ddigidol

2009-01-22T18:08:00.000Z

Fe fuesi mewn cyfarfod yn y Bala heddiw i drafod defnydd yr Eglwysi o gyfryngau newydd. Roedd ein trafodaethau ni gobeithio yn dod allan o'r ddealltwriaeth fod deall y diwylliant cyfoes yr un mor allweddol a deall yr efengyl ei hun. Rhan bwysig o'n diwylliant heddiw, fel y bydd darllenwyr metastwnsh yn gwybod, yw technoleg a chyfryngau newydd. Mae yna symudiad wedi bod yn cerdded trwy'r Eglwysi yn America ac hefyd yn Lloegr ers blynyddoedd bellach sef symudiad yr emerging Church. Ond, fel popeth arall, ddeng mlynedd yn ddiweddarach ma'r sôn am emerging yn cyrraedd yr Eglwysi Cymraeg! Nid mudiad swyddogol nac rhyw fath o enwad newydd yw'r emerging Church ond yn hytrach maen ffordd o feddwl am y ffydd a'r Eglwys.

Mae'r emerging Church yn credu fod yr Eglwys yn bodoli lle bynnag bo Cristnogion yn cyfarfod ym mhresenoldeb Duw, Iesu a'r Ysbryd Glan. Ac i'r emerging Church mae hyn, fel arfer, yn golygu lleoliad newydd radical. Yn y dafarn, mewn caffi, ar y stryd a hyd yn oed, a dyma sy'n bwysig yn y drafodaeth yma, ar wefannau fel Facebook! Egwyddorion craidd llawer o arweinwyr yr emerging Church yw fod neges sylfaenol Cristnogaeth i'w gadw yn gyson ond fod yn rhaid addasu'r cyfrwng bob cenhedlaeth er mwyn cyrraedd un cenhedlaeth ar ôl y llall. A'r gwir plaen amdani yw fod yr eglwysi Cymraeg, ar y cyfan, wedi methu'n drychinebus i wneud hyn. Nid yw'r Eglwysi Cymraeg hyd yn oed yn adlewyrchu diwylliant ein rhieni, ddim hyd yn oed diwylliant ein Teidiau a Neiniau ond yn hytrach eu Teidiau a'i Neiniau hwy yn y Bedwaredd ganrif ar Bymtheg! Does dim sôn am y rhyngrwyd na fideo's digidol yn y Beibl. Ond mae yna ddigon o enghreifftiau o'r apostolion yn defnyddio diwylliant y dydd i gyflwyno efengyl Iesu Grist.

Rhai enghreifftiau:

Fideo Souled Out (Enghraifft o fideo i hyrwyddo digwyddiad Cristnogol)

Fideo Pasg (Enghraifft o fideo i ddefnyddio mewn digwyddiad/gwasanaeth Cristnogol)

Mars Hill (Enghraifft o eglwys sy'n gwneud defnydd gwych o dechnoleg)

Egwyddorion:

Dydy perchnogaeth o'r adnoddau/offer ddim yn golygu eich bod chi wedi cyrraedd yna! Gweledigaeth ac adnoddau rhad/amaturaidd yn well na adnoddau drud/proffesiynol heb y weledigaeth. Os yn gwneud rhywbeth i fideo/y wê rhaid cofio fod rhywbeth byddai'n gweithio wyneb yn wyneb ddim o'r rheidrwydd yn gweithio ar fideo. Er enghraifft, mae pregeth 45 munud gan y Parch. Titw Tomos yr un mor ddiflas ar fideo ag y byddai o'i weld yn y cnawd. Ar y cyfan mae tystiolaeth fyw, cyfoes ac effeithiol ar-lein yn adlewyrchu tystiolaeth fyw, cyfoes ac effeithiol yn y cnawd. Rhaid cofio felly fod gwefan fflashi ddim yn gwneud fyny am elfennau eraill o dystiolaeth yr Eglwys. I ddweud y gwir fe ddaw yn amlwg yn ddigon cyflym os yw gwefan yr eglwys yn angynrychioliadol o'i cyflwr go-iawn hi – mi fydd y wefan yn ddiflas!

Gobeithio fydd y cyfarfod heddiw yn arwain i weld yr Eglwysi yn buddsoddi amser, arian, adnoddau dynol a gweddi i'w defnydd o'r cyfryngau newydd.

Cyfweliad gyda Aron Treharne

2009-01-18T20:37:00.000Z

Yn ddiweddar bues i'n cyfweld ag Aron Treharne sy'n wreiddiol o Benygroes ond bellach yn byw yn Llansannan ar ran Cristion. Dyma'r cyfweliad cyntaf mewn cyfres newydd lle bydd Cristion yn cyfweld Cristnogion ifanc neu ifanc eu hysbryd ar draws Cymru a thu hwnt.

Sonia ychydig bach am dy hun a dy gefndir i ddechrau?

Wel, Aron ydw i, a dwi'n bedair ar bymtheg, ac yn byw yn Llansannan ar hyn o bryd. Dwi'n dod o Benygroes, Caernarfon yn wreiddiol, ac fe fues i'n byw yno am ddeunaw o flynyddoedd tan i mi symud i'r Bala am flwyddyn, a rŵan dwi di cyrraedd Llansannan. Dwi'n un o bedwar o blant, mae gen i frawd a dwy chwaer, heb anghofio am y ci wrth gwrs! Mae fy Nhad yn Weinidog gyda'r Bedyddwyr, a Mam yn dysgu Cymraeg i oedolion. Cefais y fraint o gael fy magu mewn teulu cynnes a Christnogol lle roedd y Gair yn cael ei rannu yn aml. Ro' ni'n mynd i'r Capel a chyfarfodydd eraill yn rheolaidd ac wrth i mi edrych yn ôl mae hynny'n amlwg wedi creu argraff sylweddol ar fy mywyd.

Felly, rwyt ti'n fab i Weinidog? Druan a ti! Ges di unrhyw dynnu coes am hynny tra yn yr ysgol? Sut brofiad oedd hi i gael dy fagu yn y Mans?

Wel, do! Mi ges i ddigon o stick am y peth, un peth dwi'n ei gofio ydi rhywun yn canu'r gan "Son of a Preacher Man", wyddech chi'r gân gan Aretha Franklin, er mwyn fy ngwylltio mwy na thebyg. Ar y pryd dwi'n siŵr nad oedd o'n ddoniol, ond dwi'n gallu edrych yn ôl a gweld sut y gwnaeth o fy nghryfhau fel Cristion; mae hynny yn gwneud i mi deimlo yn llawen a bodlon am y peth. Roedd y breintiau o gael byw yn y Mans yn werth chweil, yn enwedig oherwydd fod fy nhwf fel Cristion yn cael gofal arbennig, doedd dim modd osgoi'r Bugail! Mae hynny'n bwysig dwi'n meddwl. Ond mi roedd na adegau ble roedd lot o bwysau arnaf i fod yn fachgen "perffaith", fel petai rhyw ddisgwyliad i fab y Gweinidog beidio a gwneud unrhyw beth yn anghywir; ond dysgodd pawb yn ddigon buan nad oeddwn i'n wahanol i unrhyw hogyn arall yn ei arddegau!

Oedd gen ti unrhyw ddiddordebau arbennig tra oeddet ti'n tyfu fynnu? Mae Cristion yn deall dy fod ti'n un i botsian efo ceir?

Haha, wel ie wir! Ceir a chwaraeon, cyfrifiaduron a cherddoriaeth oedd fy niddordebau mwyaf . Dwi wrth fy modd yn potsian efo ceir, newid wing y car oedd y prosiect mwyaf diweddar. Dwi wrth fy modd yn chwarae rygbi, pêl droed, neu unrhyw fath o chwaraeon i fod yn onest. Dwi wrth fy modd yn chwarae o gwmpas efo cyfrifiaduron, yn darganfod pethau newydd, a rhaglenni newydd ayyb..., a dwi'n treulio lot o fy amser yn chwarae'r gitâr, canu, a chwarae'r drymiau. Jyst y pethau mae pawb yn licio eu gwneud mae'n siŵr.

Roeddet ti'n sôn yn gynt nad oedd dy fagwraeth di fel mab y Mans o'r rheidrwydd yn dy wneud di mor wahanol a hynny i bawb arall. Felly pryd a sut wnes ti sylweddoli fod magwraeth ar aelwyd Gristnogol ddim o'r rheidrwydd yn dy wneud di'n Gristion?

Wel, pan ro' ni'n ddeg oed fe es i weld y ffilm "Iesu", a dwi'n cofio'r olygfa lle roedd Iesu'n cael ei groeshoelio ar y groes, a meddwl ei fod o wedi gwneud hynny drosta i. Roeddwn ni'n gwybod fod na rhywbeth ar goll, ac mai nid hynny oedd diwedd y mater. Felly mi es i siarad a chenhadwr o America o'r enw Joe Wheeler, mi esboniodd e fod angen i mi sylweddoli mod i'n bechadur, deud sori am yr holl bethau oeddwn ni wedi neud, yna gofyn i Iesu ddod i mewn i nghalon i a'i adael i fod yn Arglwydd ar fy mywyd i gyd. Dod mewn i berthynas ag Ef, Iesu, oedd yr unig ffordd i ddod yn Gristion; ers hynny dwi'n ceisio, yn nerth yr Ysbryd, i ddyfnhau fy mherthynas a Iesu bob dydd.

Maen siŵr fod y rhan fwyaf o dy ffrindiau ysgol wedi mynd ffwrdd i'r Brifysgol ond fe ddewises di fynd i Goleg y Bala am flwyddyn 'gap'. Beth wnaeth dy gymell di i fynd i Goleg y Bala a beth wyt ti'n meddwl wnes ti ddysgu yna?

Wel, Dad wnaeth ddeud wrtha i fynd. Haha, na ddim o ddifri! Yn syml iawn, roeddwn i'n gwybod mai nid y Brifysgol oedd y lle i mi. Felly, ar ôl gweddïo a gofyn i Dduw ddweud wrtha i ble i fynd, ac ar ôl i mi feddwl am bosibiliadau, fe es i gyfweliad am y rhaglen blwyddyn 'gap' yng Ngholeg y Bala. Yn syth bin fe deimlais rhyw dangnefedd ynglŷn a'r lle, ac o hynny mlaen ro' ni'n gwybod mai fanna oedd Duw eisiau i mi fod. Fe ddysgais lot fawr, gormod i'w nodi, ond y peth mwyaf i mi oedd fod Duw wedi fy ngalw i'r Weinidogaeth llawn amser. Dwi'n cofio'r teimlad anhygoel pan ges i'r sylweddoliad yna fod Duw eisiau i mi fod yn rhan o'i waith Ef! Mae o'n fraint rhyfeddol.

Roeddet ti, wrth gwrs, yn gweithio yng Ngholeg y Bala pan wnaethom ni gyd golli ffrind annwyl iawn, Sion Ifan. Sut wyt ti'n meddwl wnes di a gweddill tîm y Coleg ddygymod a hyn a beth wyt ti'n meddwl wnaeth eich cymell chi i daro mlaen gyda'r gwaith wedyn?

I fod yn onest, dwi'n dal i stryglo lot fawr efo'r peth. Dwi'n ei gweld hi'n anodd i fynd i rai darnau o'r adeilad oherwydd y peth, ond be dwi'n trio cofio ydi'r ffaith fod Sion wedi rhoi esiampl i ni gyd. Dwi'n gwybod y byddai ef eisiau i ni barhau a'r gwaith, a defnyddio bob peth sydd wedi digwydd er clod i Dduw. Pan fydda i'n stryglo maen rhaid i mi atgoffa fy hun bod Sion yn mwynhau ei hun yn y Nefoedd gyda'r Arglwydd Iesu; dwi'n meddwl am beth ddywedodd Paul: 'I mi, Crist yw byw, a marw sydd elw.' Wel mae Sion wedi elwa lot o gael mynd i'r Nefoedd a cael cyfarfod a'n Harglwydd, wyneb yn wyneb.

Ar ôl blwyddyn 'gap' mae'r rhan fwyaf o bobl wedyn yn mynd ymlaen i'r Brifysgol flwyddyn ar ôl pawb arall; ond rwyt ti wedi penderfynu parhau i hyfforddi a gweithio i'r Eglwysi. Beth wyt ti'n gwneud nawr felly?

Wel, dwi'n gwneud cwrs DAWN, sydd yn golygu 'Datblygu Arweinwyr i Weinidogaethau Newydd' ac yn syml iawn, dwi'n cael fy natblygu i fod mewn gweinidogaeth llawn amser. Dwi'n teimlo fod Duw yn fy ngalw i fod yn Weinidog, a mae Ef wedi fy rhoi ar gwrs DAWN er mwyn i mi gael hyfforddiant a gweithio gyda Eglwysi ar yr un pryd. Mae o'n grêt i gael darlith Groeg un diwrnod, arwain grŵp ieuenctid un diwrnod ac yna'n pregethu ar ddiwrnod arall! Dwi'n licio bod yn fwy ymarferol, a mae DAWN yn bendant yn ateb fy anghenion ym mhob ffordd.

A fydde ti felly yn dweud fod yr hyfforddiant hands-on wyt ti'n ei gael yn fwy perthnasol i Weinidogaeth heddiw na'r hen hyfforddiant draddodiadol, colegau diwinyddol, ysgol baratoawl ayyb...?

Dwi'n meddwl fod rhaid i ni fod yn ddiolchgar i Dduw am yr holl draddodiad o ddysgu a hyfforddi cenedlaethau o bobl ifanc i weithio ac i arwain yr eglwysi dros y blynyddoedd. Ond rŵan mae'r hen ffyrdd oedd arfer denu pobl i'r Weinidogaeth yn dod neu wedi dod i ben; yn bennaf oherwydd fod natur y maes cenhadol wedi newid. Ma' rhaid darganfod ffyrdd newydd dwi'n meddwl. Mae DAWN yn hyfforddiant sy'n debyg i brentisiaeth; dy' ni yn cael darlithoedd diwinyddol mwy traddodiadol ond 'dy ni'n cael ein dysgu o fewn cyd-destun lle mae profiadau o arwain mewn sefyllfaoedd real yn chwarae rhan ganolog hefyd. Dwi'n cael fy hyfforddiant yn yr Eglwys yn hytrach na chael fy hyfforddi mewn Coleg sydd wedi dorri ffwrdd o waith yr Eglwys dydd i ddydd.

Lle wyt ti'n meddwl y bydd Duw yn dy arwain ar ôl dy gyfnod gyda DAWN yn Llansannan?

Dwi'n eithaf sicr fod Duw eisiau i mi fod yn Weinidog, ond dwi ddim yn siŵr ble! Dwi'n sicr y byddaf yn aros yng Nghymru beth bynnag. Dwi wedi bod yn meddwl a gweddïo am rhai ardaloedd, ond dwi ddim am ddweud wrthych chi eto! Fe gawn weld yn y dyfodol pan fydd Duw yn dangos y ffordd i mi. Baswn ni'n gwerthfawrogi os byddai eich darllenwyr yn gweddïo drosta i wrth i mi wneud penderfyniadau am fy nyfodol.

Ac yn olaf, wyt ti'n gweld dyfodol i'r dystiolaeth Gymraeg yng Nghymru heddiw? Beth wyt ti'n meddwl yw'r allwedd ar gyfer adfywiad ymysg yr eglwysi Cymraeg?

Yn sicr, mae gan Gymru ddyfodol, a dim ond yr efengyl sydd am ddod a adfywiad i'r Eglwysi. Efallai fod angen edrych ar ddulliau gwahanol o gyrraedd pobl, ond yn syml iawn dwi'n gobeithio y gall pawb weithio gyda'u gilydd er mwyn cyrraedd allan at y colledig.

Diolch am sgwrsio efo Cristion Aron!

Dolenni defnyddiol:
www.dawncymru.org
www.colegybala.org
Cofiwch ychwanegu Aron fel cyfaill ar Facebook a MySpace!

Noson 'Hawl i Holi' yn Nanternis

2009-01-13T08:28:00.009Z

Bu tipyn o drafod yn festri Capel Nanternis ar nos Sul, 11 Ionawr. Cynhaliwyd Seiat Holi a oedd wedi'i threfnu gan griw Y Ffordd Ymlaen.

Gareth Ioan oedd yn cadeirio ac ar y panel oedd Wyn Thomas, gweinidog gyda'r Undodwyr yn ardal Llambed, a Dafydd Tudur, a oedd wedi ei neilltuo fel arweinydd ar Eglwys Annibynnol Llwyncelyn y prynhawn hwnnw.

Cafwyd cwestiynau ar amrywiaeth o bynciau, gan gynnwys ethol Barack Obama yn Arlywydd yr Unol Daleithiau, y ddameg neu wyrth sydd fwyaf oedd ag arwyddocad neilltuol i aelodau'r panel, y gwahaniaeth rhwng Annibynwyr ac Undodwyr, stori ddoniol yn ymwneud a'n profiadau Cristnogol/ysbrydol, dyfodol y weinidogaeth a'r modd y dylai'r eglwys dystiolaethu ac estyn allan i'r gymuned.

Os hoffech wybod mwy am weithgareddau Y Ffordd Ymlaen, mae croeso i chi ddod i gwrdd yr Eglwysi Rhyddion yn y Tabernacl, Aberteifi, am 6yh, nos Sul, 18 Ionawr. Bydd y gwasanaeth o dan ofal criw Y Ffordd Ymlaen a bydd yn gyflwyniad i'w gweledigaeth a'u gweithgareddau.

Neilltuo Dafydd Tudur yn Llwyncelyn

2009-01-13T08:25:00.002Z

Ar brynhawn dydd Sul, 11 Ionawr, cynhaliwyd gwasanaeth yng Nghapel Llwyncelyn, Ceredigion, i neilltuo Dafydd Tudur fel arweinydd ar yr eglwys sy'n cyfarfod yno.

Mae'r datblygiad hwn yn rhan o strategaeth genhadol newydd Undeb yr Annibynwyr Cymraeg, strategaeth sydd i’w chyhoeddi yn ystod yr wythnosau nesaf fel Rhaglen Datblygu Annibynwyr Cymru.

Yn wyneb y prinder gweinidogion sydd i’w weld ar hyd a lled y wlad, nod y rhan yma o’r Rhaglen yw annog eglwysi i neilltuo rhai o’i plith ein hunain i fod yn arweinwyr, ac eglwys Llwyncelyn yw y cyntaf i wneud hyn.

Bydd Dafydd yn cynorthwyo gydag addoliad yn yr eglwys ac yn ceisio datblygu tystiolaeth a gwaith yr eglwys yn y gymuned. Yn bwrw golwg dros y gwaith, bydd y Parchg Andrew Lenny, Eglwys Seion, Aberystwyth, a bydd Cyfundeb Ceredigion ac Undeb yr Annibynwyr hwythau wrth law i gynghori a chefnogi yn ôl yr angen.

Yr oedd y gynulleidfa o tua 100 o bobl a ddaeth ynghyd ar gyfer y gwasanarth yn arwydd o'r diddordeb y mae'r cynllun wedi ei greu yn yr ardal.

Bydd Dafydd yn arwain ei oedfa gyntaf fel arweinydd ar ddydd Sul, 25 Ionawr. Croeso i bawb!

Aduniad Souled Out 2009

2009-01-09T15:54:00.003Z

Pa ffordd gwell sydd yna o ddechrau’r flwyddyn newydd na dod ynghyd â 50 o ieuenctid, myfyrwyr ac oedolion ifanc brwdfrydig am benwythnos? Wel, dyna yn union ddigwyddodd yng Ngholeg y Bala o’r 2il hyd at y 4ydd o Ionawr 2009 gyda phobl o bob cwr o Gymru yn dewis cychwyn eu blwyddyn gyda’r cyfle i adlewyrchu ar eu perthynas gyda Duw.
Thema’r penwythnos oedd ‘Trawsffurfio’ gyda’r pwyslais ar y ffordd mae Duw yn trawsffurfio ein bywydau ni gan ddefnyddio pob rhan o’n hanes ni i wneud ni yr hyn ydym ni heddiw. Cafodd pawb ei atgoffa o farwedd Duw ar hyn mae o wedi dewis ei wneud tros pob un ohonom ni. Cawsom ein herio ar sut i fyw dros Grist yn ein hysgolion, prifysgolion, gweithle ac yn y gymuned yn ddyddiol, gan adlewyrchu cymeriad Crist drwy ein gweithredoedd ni.
Braf oedd cael croesawu Arfon Jones, prif gyfieithydd Beibl.net fel ein gŵr gwadd ar y dydd Sadwrn. Roedd yn wefr i ni gyd i gael anogaeth gan ŵr adnabyddus sydd wirioneddol ar dân dros yr hyn mae’n ei wneud dros Dduw yma yng Nghymru, a cafodd pawb eu sbarduno gan ei frwdfrydedd yn rhannu gair Duw.
Roedd yr awyrgylch o fod yng nghanol gymaint o Gristnogion ifanc yn wefreiddiol a phawb yn amlwg yn mwynhau’r amser i gymdeithasu gyda’n gilydd wrth fynd i lawr i’r ganolfan hamdden am brynhawn o chwaraeon, mwynhau paned mewn caffi yn y dref, gwylio film, a sgwrsio tan oriau mân y bore.

Grŵpiau Rhanbarthol.
Bydd grŵpiau Souled Out yn parhau i gyfarfod yn ystod y flywddyn ymohb cwr o Gymru i roi cyfle i ni ddysgu, cefnogi ac annog ein gilydd. Ewch i’r wefan www.souledoutcymru.net i ddarganfod mwy am sut y gallwch chi ymuno yn yr hwyl!

Haf 09
Dyddiad i’ch dyddiadur!
Bydd cwrs Haf 2009 yn cael ei gynnal 14-21 Awst 2009 yng Ngholeg y Bala.
Am fwy o wybodaeth am Souled Out gallwch ymweld â’r wefan ar www.souledoutcymru.net neu ebostio gwybodaeth@souledoutcymru.net Hefyd, cofiwch ymuno â grŵp Souled Out ar Facebook!

Ail sesiwn Alffa yn Llandysul

2009-01-09T06:44:00.003Z

Cafodd ail sesiwn y Cwrs Alffa ei chynnal yng Nghwesty'r Porth, Llandysul, neithiwr. Roedd wyth ohonom ni yno i drafod y cwestiwn 'Pwy yw Iesu?' -beth oedd Iesu'n ddweud amdano'i hun a beth yw'r dystiolaeth i gefnogi hynny? Unwaith eto, cawsom drafodaeth dda yn dilyn y cyflwyniad, cymaint felly fel bod amser wedi hedfan a'i bod yn 9.30 cyn i ni droi!

Edrychwn ymlaen at y sesiwn nesaf - 'Pam y bu Iesu farw?' - sydd i'w chynnal yng Ngwesty'r Porth am 8 o'r gloch nos Iau nesaf (15 Ionawr).

Mae croeso i unrhyw un ymuno a ni ac os hoffech ragor o wybodaeth gallwch ymweld a gwefan Alffa Cymraeg!

Oedfa Neilltuo yn Llwyncelyn

2009-01-08T12:38:00.000Z

Am 2 o'r gloch brynhawn dydd Sul, 11 Ionawr, bydd oedfa yn cael ei chynnal yng Nghapel Llwyncelyn yn neilltuo Dafydd Tudur fel arweinydd i'r eglwys sy'n cyfarfod yno.

Mae'r datblygiad diweddaraf hwn yn dod o dan gynllun Datblygu Arweinwyr, sy'n rhan o Raglen Datblygu Undeb yr Annibynwyr Cymraeg. Bydd Dafydd yn dechrau trwy ofalu am un oedfa' y mis, ac yn cael ei fentora gan y Parchg Andrew Lenny, Aberystwyth.

Os hoffech ragor o wybodaeth am y cynllun neu am yr eglwys yn Llwyncelyn, cysylltwch ag Undeb yr Annibynwyr Cymraeg. Cewch eu manylion cyswllt ar y wefan www.annibynwyr

Cristnogion, camerau a Cristnogblog

2009-01-07T10:13:00.005Z

Mae ffotograffwyr newydd wedi ymuno a'r grwp Flickr 'LLUNiaeth - Ffotograffiaeth Gristnogol'. Os hoffech i'ch lluniau diweddaraf ymddangos ar wefan Cristnogblog, cofiwch eu tagio gyda'r gair 'Lluniaeth'!

Sesiwn gyntaf Cwrs Alffa, Llandysul

2009-01-07T09:44:00.006Z

Daeth criw o naw ynghyd ar noson oer yng Ngwesty'r Porth, Llandysul, i archwilio sylfaeni'r ffydd Gristnogol ac ystyried a oes mwy i fywyd. Y cwestiwn dan sylw oedd 'Cristnogaeth: Diflas, Amherthnasol, Anwir?' a chyffyrddodd y drafodaeth a sawl agwedd o Gristnogaeth yn ogystal a'r gymdeithas yr ydym yn byw ynddi yng Nghymru heddiw.

A yw pobl heddiw yn gweld Cristnogaeth fel rhywbeth diflas, amherthnasol ac anwir? Os ydyn nhw, pam? Gallwch gyfrannu eich sylwadau trwy ymateb i'r blogiad hwn, neu, os oes gennych ddiddordeb mewn dilyn cwrs Alffa, ymwelwch a gwefan Alffa Cymraeg neu cysylltwch gyda ni: cristnogblog.blogspot.com

Bydd ail sesiwn Cwrs Alffa Llandysul yn cael ei chynnal yng Ngwesty'r Porth, Llandysul, am 8 o'r gloch ar nos Iau, 8 Ionawr. Wedi hynny, bydd y sesiynau yn wythnosol. Cadwch lygad ar Cristnogblog am ragor o wybodaeth!

Cwrs Alffa yn cychwyn yn Llandysul!

2009-01-04T20:16:00.007Z

Bydd cwrs Alffa yn y Gymraeg yn cychwyn yng Ngwesty'r Porth, Llandysul, nos Fawrth yma (6 Ionawr) am 8 o'r gloch. Bydd ail sesiwn yn r'un amser ar nos Iau. Wedi hynny bydd y cwrs yn parhau bob nos Fawrth, r'un lle a r'un amser. Ymunwch hefo ni os hoffech chi wybod mwy am sylfaeni'r ffydd Gristnogol!

Am ragor o wybodaeth am y cwrs, ymwelwch a gwefan Alffa Cymraeg.

Os nad ydych yn gallu ymuno a ni, cewch glywed sut aeth y sesiwn gyntaf cyn bo hir ...

Fideo o Dewi Hughes yn trafod 'Power and Poverty'

2008-12-20T15:58:00.001Z

Ches i'r fraint o fod yn lansiad Cymru o gyfrol ddiweddaraf Dewi Arwel Hughes ddechrau'r mis. Roedd y Camera fideo gyda mi felly fe wnes i recordio'r sgwrs gyda Dewi; dyma hi i chi, mwynhewch...

Souled Out Cymru | Aduniad 09

2008-12-10T20:09:00.013Z

Archebwch eich lle | Ffurflen Archebu >>

Llawrlwythwch y rhaglen | Rhaglen >>

Ymunwch | Grwp Facebook Souled Out >>

Am fwy o wybodaeth | gwybodaeth@souledoutcymru.net
neu cysylltwch â Meryl Walters ar 01678 520565

Aduniad 09 | souledoutcymru.net

Lansiad Power and Poverty gan Dewi Arwel Hughes yn y Bala

2008-12-03T10:42:00.004Z

Dydd Gwener, Rhagfyr 5ed, bydd y Bala yn croesawu Dewi Arwel Hughes yn ôl i’w ardal enedigol er mwyn dathlu lansio ei gyfrol newydd. Bydd hefyd yn gyfle i ddathlu penblwydd Tearfund yn 40oed ac mae Dewi wedi gweithio i’r asinantaeth ddyngarol a datblygu honno ers 30 mlynedd o’r deugain.

Bydd y lansiad, a gynhelir yng Ngholeg y Bala am 1pm, yn gyfle i glywed am y gyfrol newydd a’i neges amserol wrth arweinwyr y byd i drin bobl a chymdeithas, yn enwedig cymunedau sy’n dioddef o dlodi, yn gyfiawn. Dywedodd Dewi mewn cynhadledd ddiweddar ar newid hinsawdd yng Nghaerdydd:

‘Fe ddyle ni fel Cristnogion fod yn ofalus iawn i edrych ar ôl yr hyn mae Duw wedi ei greu ac i feddwl yn ddwys am y ffordd rydyn yn byw os, fel mae’n ymdddangos yn fwyfwy tebygol, mae ein ffordd o fyw yn mynd i wneud pethau’n llawer gwaeth i filiynau o dlodion ein byd.’

Meddai Hywel Meredydd, Rheolwr Tearfund yng Nghymru:

‘Rydym yn edrych ymlaen i glywed neges heriol Dewi yn y Bala, ac yn ei longyfarch ar ei waith ymroddgar i’r elusen Tearfund. Rhaid i arweinwyr byd a ni yn ein heglwysi lleol yn Nghymru ystyried sut rydym yn defnyddio’r grym mae Duw wedi ei roi i ni. Gweledigaeth Tearfund dros y ddeng mlynedd nesaf yw gweld 50 miliwn o bobl yn cael eu rhyddhau o dlodi drwy rwydwaith o 100,000 o eglwysi lleol. Mae’r gyfrol hon yn ein harfogi i newid ffordd o feddwl ac i baratoi am y dasg hon.’

Dewi Hughes yw Ymgynghorydd Diwinyddol Tearfund, yr asiantaeth dyngarol a datblygu, ac mae’n aelod o The Lausanne Movement's Theology Working Group. Ef yw awdur Has God Many Names? An Introduction to Religious Studies, God of the Poor: A Biblical Vision of God's Present Rule, a Castrating Culture: A Christian Perspective on Ethnic Identity from the Margins. Daw o’r Bala yn wreiddiol ac mae’n byw gyda’i wraig Maggie ym Mhontypridd bellach.

Power and Poverty: Divine and Human Rule in a World of Need

Cred Dewi Hughes fod dioddefaint cymaint o bobl sy’n byw mewn tlodi yn y presennol yn ganlyniad o gamddefnydd grym gan eraill. Prif thema’r astudiaeth heriol hon yw sut mae pobl yn trin a cham-drin pŵer a roddodd Duw i ni pan greodd ni. Mae’r llyfr amserol hwn yn ein tywys yn feistrolgar drwy dri pwnc pwysig. Maen cychwyn drwy drafod gwreiddiau tlodi yn yr Hen Destament ac yn edrych ar Gyfamod Duw i Abraham a Moses mewn perthynas ag anghyfiawnderau'r cyfnod. Cawn ein harwain wedyn at draed Iesu Grist ein Pen-Arglwydd a myfyrio ar ei eiriau a'i ddysgeidiaeth ef ac ystyried rôl arbennig yr Ysbryd Glan yn hyn i gyd. Yn olaf mae Dewi Hughes yn ffocysu ar yr Eglwys Gristnogol, cymuned pobl Dduw sy'n adlewyrchu dysgeidiaeth a gwaith yr Iesu heddiw. Cawn ein hannog i neulltio amser i weddi law yn llaw a siarad yn broffwydol i'n byd ni heddiw.

Meddai Stephen Nantalis Williams o Union Theological College:

'Yn y gyfrol hon, mae Dewi Hughes yn ysgrifennu’n gymhellgar ar fater pwysig dros ben. Rydym yn ddiolchgar iddo; ond rhaid dangos ein diolchgarwch yn ein parodrwydd i ddilyn llwybr fel disgyblion y Gair. Rwy’n falch i argymell y gyfrol hon.’

Dwi'n disgwyl mlaen i fynychu'r lansiad ddydd Gwener; mae croeso cynnes i bawb ymuno. Os na fedrwch ddod ddydd Gwener cofiwch archebu copi o'r llyfr.

Power And Poverty, Dewi Hughes (Amazon: £14.99)

Torri Syched yn Llandysul

2008-11-23T14:47:00.007Z

Mae wythnos wedi mynd heibio ers i griw o rhyw ddeg ohonon ni o Aberystwyth fynd lawr i gynnal gwasanaeth byr, anffurfiol yn Llandysul. Daeth criw o bobl o bob oed ynghyd yng nghanol Llandysul i gyd addoli a chydweddio a chael cymdeithas, paned o de a bisgedi!

Arweiniwyd yr addoli bywiog gan Bethan Thomas ar y gitar, Angharad Watkins ar y piano ac Arawn Glyn ar y bongos. Canwyd nifer o ganeuon newydd a chyfoes ynghyd ag ambell hen ffefryn. Yn dilyn esboniad gan Owain Roberts o bwrpas Torri Syched, rhoddodd Rhodri Glyn grynhoad o Salm 40, gan ganolbwyntio ar ystyr a phwrpas addoli. Roedd cyfle agored i bawb i weddio ac i ofyn cwestiynau.

Diolch i bawb yn Llandysul am y cyfle i gael mynd yno. Roedd criw Aberystwyth i gyd wedi mwynhau'n arw ac efallai y cawn gyfle i fynd yn ol rywbryd yn y dyfodol.

Os hoffech chi ofyn i griw Torri Syched ddod i gynnal gwasanaeth yn eich pentref chi, gadewch i ni wybod!!!

Astudiaeth Feiblaidd Nant y Benglog

2008-11-19T14:50:00.004Z

Nos Fawrth, daeth criw o aelodau Eglwys Nant y Benglog at ein gilydd ar aelwyd yng Nghapel Curig i edrych yn fanylach ar Marc 2:13-17. Yn y darn bychan hwn, gwelwyd Lefi, y casglwr trethi, yn dod yn ddisgybl i Iesu Grist. Hefyd, buom yn trafod mor syfrdanol oedd neges Iesu wrth iddo ymateb i rwgnach y Phariseaid trwy ddweud "Dw i wedi dod i alw pechaduriaid, dim y rhai sy’n meddwl eu bod nhw heb fai."
Un peth a'n tarodd oedd mor berthnasol oedd galwad Iesu i bob cyfnod. Yr un yw pobl, rhai yn hunan gyfiawn, eraill yn cael eu hysgymuno gan gymdeithas. Er hyn, un Gwaredwr sydd i bawb o bob cefndir, ac Iesu Grist yw hwnnw.
Er nad yn ein capel y cynhaliwyd yr astudiaeth, mae'n parhau yn agored, er gwaethaf rhai sibrydion diweddar iddo gael ei addasu i fod yn stiwdio! Er gwybodaeth, mae'r capel ar ochr dde yr adeilad.

BLOG NEWYDD

2008-11-15T22:44:00.002Z

safe ewch i blog newydd fi:

http://rhosllanerchrugblog.blogspot.com

don im rili moin dweud wrthych chi, ond sneb yn mynd arno fe otherwise.

safe

derek

Torri Syched ar daith!

2008-11-13T00:42:00.003Z

Ydy, mae Torri Syched yn mynd ar daith yr holl ffordd lawr i Landysul!

Nos Sul nesaf, 16 Tachwedd, am 5.30yh yn Ysgol Gynradd Llandysul, bydd criw ohonon ni o Aberystwyth sydd fel arfer yn cyfarfod yn y Cwps ar nos Sul, yn mynd i gynnal sesiwn o Dorri Syched gyda chriw o bobl ifanc yn Llandysul.

Y bwriad yw cael cyd addoli a chyd weddio, cymdeithasu a chyfarfod a phobl newydd, yn ogystal ag ateb rhai cwestiynau a fydd gan y criw gan eu bod nhw hefyd yn bwriadu cynnal sesiynau o addoliad ar nos Sul yn Llandysul.

Os hoffech ymuno gyda ni, croeso i chi yn Ysgol Gynradd Llandysul am 5.30 nos Sul nesaf!

Dewch i Dorri Syched

2008-10-21T23:16:00.007+01:00

Nos Sul diwethaf cynhaliwyd Torri Syched cyntaf yr Hydref yn nhafarn y Cwps, Aberystwyth am 8.30yh.

Grwp o bobl ifanc yw Torri Syched, a'r bwriad yw dod at ein gilydd i gyd addoli a chyd weddio.

Cynhaliwyd y sesiwn nos Sul diwethaf gan Arawn Glyn a ddarllenodd amrywiaeth o ddarnau o'r Beibl gan geisio ateb rhai o'r cwestiynau sy'n cael eu gofyn yn aml am Gristnogaeth heddiw. Arweiniwyd yr addoli gan Bethan Thomas.

Mae croeso i bawb i ymuno gyda ni. Rydym hefyd yn bwriadu cynnal sesiwn o Torri Syched gyda chriw o Landysul ar 16 Tachwedd. Cysylltwch a ni os hoffech fwy o wybodaeth!

Cymry'n ymweld ag Eglwysi Kyiv [Rhan 1]

2008-10-10T22:36:00.002+01:00

Fore Sul diwetha ces i'r fraint o fod yn rhan o ddirprwaeth o Gymru wnaeth ymweld a Kyiv, fe aethom ni i wasanaeth am 11yb yn Eglwys New Life, eglwys sy'n addoli yn Iwcraniain er yr enw Saesneg. Roedd rhyw 600 yn y gwasanaeth ac roedd 600 arall yn y gwasanaeth cyntaf am 9yb – eglwys weddol gymedrol ei faint i Kyiv felly! Mae'r Eglwys yn cael ei arwain gan Pastor Anatoliy Kalujniy, un a fagwyd yn y traddodiad Bedyddiedig oedd yn danddaearol i bob pwrpas dan y Sofietiaid. Maen parhau i fod yn Fedyddiwr ond mae'n arwain eglwys fwy Garismataidd na'r hyn y mae'r term “Bedyddwyr” yn golygu i ni yng Nghymru heddiw. “Baptist call me Charismatic and Charismatics call me Baptists” meddai wrth chwerthin. Roedd Jim wedi cyfarfod ac Anatoliy o'r blaen a hynny mewn cynhadledd i arweinwyr Eglwysig Efengylaidd yng Ngroeg y llynedd – mae Anatoliy yn ceisio ffurfio rhyw fath o fudiad eang tebyg i'r Gynghrair Efengylaidd all fod yn lais unedig yr Eglwysi Protestannaidd yn y wlad ar faterion gwleidyddol a chymdeithasol gerbron y llywodraeth.

Watch Pastor Anatoily a'r Chwyldro Oren in Faith Videos | View More Free Videos Online at Veoh.com

Wrth dreulio amser gyda Anatoily daeth hi i'r amlwg ei fod yn arweinydd o sylwedd. Oedd mi roedd yn arweinydd Eglwysig pwysig a llwyddiannus yn Kyiv ond daeth i'r amlwg y bod e yn un o arweinwyr pwysig y Chwyldro Oren nol yn 2004. Mae hyn wrth gwrs yn arwyddocaol i mi oherwydd, ar y cyfan, mae pobl o berswâd efengylaidd yng Nghymru a Lloegr yn cadw draw o wleidyddiaeth ac yn sicr yn cadw draw o wleidyddiaeth radical heb sôn am fod yn rhan o arwain chwyldro! Esboniodd Anatoily ei fod yn ymwneud o gwleidyddiaeth ac yn benodol y chwyldro nol yn 2004 oherwydd fod y cyfan yn fwy na gwleidyddiaeth ac mae gwneud safiad moesegol ac nid gwleidyddol oedd ef a'r Eglwysi yn gwneud wrth yrru'r chwyldro yn ei flaen. Roedd hyn yn ddifyr oherwydd dyna oedd cyfiawnhad R. Tudur Jones pan fyddai pobl yn amau priodoldeb ei rôl ef fel arweinydd Cristnogol ar un llaw ac arweinydd ym Mhlaid Cymru ar y naill. I Dr. Tudur cwestiwn moesegol oedd parhad a thegwch i Gymru yn yr un ffordd a mae cwestiwn moesegol oedd hi i Anatoily wneud yr hyd a medrai i gefnogi ac arwain yn chwyldro yn 2004.

Maen ddifyr ein bod ni yn y Gorllewin heb ddeall y rôl allweddol yr oedd yr Eglwysi yn chwarae yn y chwyldro. Roedd cyfarfod gweddi ar y sgwâr rhwng 9 a 10 bob bore gyda degau o filoedd yn cymryd rhan ac wedi hynny mi fyddai arweinwyr yr Eglwysi gan gynnwys Anatoily yn rhannu'r newyddion da am Iesu cyn agor y llwyfan yn hwyrach yn y dydd i'r areithiau gwleidyddol. Nid oedd y wedd yma o'r chwyldro yn cael ei bortreadu gan gyfryngau'r gorllewin o gwbl ac roedd Anatoily o'r farn mae penderfyniad golygyddol o ran CNN a'r BBC oedd peidio dangos blas grefyddol y chwyldro oherwydd cyswllt negyddol crefydd a gwleidyddiaeth yn y gorllewin (Jihad etc..). Edrychwch ar y fideo i glywed Anatoily yn adrodd yr hanes. Roedd yn fraint cyfarfod y gŵr hwn.

Oddi ar: Blog Rhys Llwyd

Ethol Esgob newydd ym Mangor

2008-10-09T21:51:00.002+01:00

Roeddw ni'n teimlo'n reit ddigalon bore ma ar ôl dychwelyd o Kyiv. Roedd bod yng nghanol bwrlwm y diwygiad yna wedi gwneud i mi sylwi o'r newydd beth oedd dyfnder yr argyfwng a'r tywyllwch ysbrydol a moesol yma yng Nghymru. Fe wnai bostio am Kyiv mewn manylder eto ond yn fras mae Kyiv yn le cyfoethog iawn yn y pethau sy'n cyfri ac mae Cymru'n boenus o dlawd yn y pethau sy'n cyfri. Fodd bynnag, erbyn amser cinio ches i fy nghalanogi rywfaint ar ôl clywed fod Esgobaeth Bangor wedi penderfynnu appwyntio Andy John fel Esgob newydd ac mi fydd hyn, gobeithio, yn agor y ffordd i Andy John olynu Barry Morgan fel Archesgob Cymru. Ar y cyfan mae angen i'r Anglicaniaid wneud mwy nag apwyntio'r bobl cywir i fod yn arf cenhadol blaenllaw yng Nghymru heddiw ond maen gam i'r cyfeiriad cywir gweld Esgob sy'n dilyn efengyl Duw ac nid tueddiadau'r oes yn cael ei apwyntio; chwa o awyr iach.

Mae hwn yn benodiad arwyddocaol iawn ac fe allai olygu gweld shift pwysig ac arwyddocaol o fewn yr Eglwys yng Nghymru; rhyw fath o re-refomation. Yr hyn sy'n 'bombshell' i'r sefydliad Anglicanaidd yw fod Andy John yn drwydal uniongred (neu efengylaidd os liciwch chi). Mae wedi dysgu Cymraeg yn rhugl ac dim ond pedwar a deugain oed yw e. Dydw i ddim yn adnabod Andy, fodd bynnag rwyf yn gyfarwydd ag ef a'i weinidogaeth oherwydd yn y 90au ef oedd Ficer Aberystwyth yn gweithio fel rhan o dîm Stuart Bell - mewn gair, fe fwriodd Andy John ei brentisiaeth mewn Plwyf efengylaidd-garesmataidd oedd yn gweld bendith, mae Andy felly yn gwybod be 'di be.

Mae llaw Duw yn amlwg iawn yn yr apwyntiad yma oherwydd ddechrau'r wythnos roedd y dewis o ffefrynnau yn edrych yn llwm iawn a ddim yn dangos unrhyw obaith o gwbl o weld yr Eglwys yng Nghymru yn apwyntio arweinydd newydd fyddai'n ei harwain at hen lwybr y Groes mewn ysbryd newydd. Dwi ddim yn rhy wybodus am ddaliadau a chredodau Anglicaniaid unigol ond dwi'n meddwl mod i'n gywir i ddweud fod Andy John wedi bod yn ddewis tra gwahanol i'r tri arall oedd yn cael eu hystyried fel ffefrynnau ddechrau'r wythnos - Meurig Llwyd, John Holdsworth a'r an-enwog Jeffrey John.

Mae penodiad Andy yn "devine intervention" yn wir.

Gwenno Teifi yn Amsterdam

2008-10-05T13:14:00.005+01:00

Bellach mae Gwenno Teifi o Lanfihangel ar Arth yn Amsterdam yn gwirfoddoli yn y Tŷ Cenhadol yno. Yn handi iawn i'r rhai sydd am wybod beth fydd Gwenno yn ei wneud, mae ganddi flog yn sôn am ei hynt a'i helynt, gan gynnwys y prosiectau gwahanol y mae hi'n ymwneud â hwy!

Am fwy o wybodaeth ewch i: http://gwennoynamsterdam.blogspot.com/

Estyn llaw drwy redeg hanner marathon: Cefnogi Apel Kundru

2008-10-02T13:34:00.007+01:00

Ar 19 Hydref bydd Dafydd Tudur yn rhedeg hanner marathon Caerdydd er mwyn codi arian i gymuned dlawd yn Kundru, sydd wedi ei leoli ger Ranchi, Gogledd Ddwyrain India. Gwnaed cysylltiad gyda'r ardal hon pan fynychais i weithdy datblygu cymunedol yn Botswana gyda CWM y llynedd. Yno cyfarfum a James Panavila. Mae James yn weinidog gydag Eglwys Gogledd India ym mhlwyf Hazaribag (rhan o esgobaeth Chotanagpur).

Lleolir Kundru tua 40km o Hazaribag yng nghanol coedwig. Oherwydd hyn maent yn cael trafferth mawr cyrraedd Hazaribag i gyfarfod ac addoli. Nid oes gan y rhan fwyaf o’r eglwysi adeilad i gyfarfod ynddo ac maent yn addoli ar y Sul o dan goed, sydd yn anodd mewn cyfnodau o monswn. Cânt eu gorfodi i gyfarfod mewn tai, sydd fel arfer yn dai un ystafell lle maent yn cysgu, yn bwyta ac yn byw.

Mae James wedi gofyn yn garedig i ni am gymorth i sefydlu adeilad yn y pentref hwn a fydd yn eglwys i addoli ynddi, yn ganolfan i bobl gyfarfod, ac yn lloches mewn cyfnodau o law trwm.

Rydym yn gofyn am eich cefnogaeth chi i adeiladu’r eglwys ac i estyn llaw at bobl Kundru. Os hoffech noddi Dafydd Tudur i redeg yr hanner marathon cysylltwch gyda Dafydd neu gyda mi. Diolch yn fawr iawn am eich cefongaeth.

Diwrnod i'r Brenin 2008

2008-10-01T12:07:00.004+01:00

Ddydd Sadwrn, Hydref 4ydd bydd Diwrnod i'r Brenin yn cael ei gynnal rhwng 10.30 a 4.30 ar Faes y Sioe yn Llanelwedd. Gŵyl i'r teulu gyfan i ddathlu'n ffydd fel Cristnogion ydi hi. Alun Tudur fydd yn arwain yr oedfaon a bydd amrywiaeth o weithgraeddau i bawb o bob oed ar gael. Er mai Undeb yr Annibynwyr sy'n ei threfnu, mae croeso i bawb o bob enwad! Dewch yn llu!

Souled Out 2008 | Fideo

2008-09-12T12:20:00.001+01:00

Souled Out Cymru | Adroddiad Haf 08

2008-08-29T15:55:00.011+01:00

Cwestiwn: Beth mae bod yn Gristion yn ein cartrefi, ysgolion, prifysgolion a’n gweithleodd yn ei olygu heddiw?

Am wythnos ym mis Awst bob blwyddyn mae criw o ieuenctid, myfyrwyr ac oedolion ifanc yn dod i Goleg y Bala er mwyn darganfod mwy am hyn a chael mwy na ‘chydig o hwyl yn y broses! Eleni daeth dros 70 o bobl (y nifer mwyaf erioed) yn wynebau hen a newydd i gwrs Haf 08.

Y thema oedd ‘Crist yw Byw’ allan o bennod 2 llythyr Paul at y Philipiaid. Cawsom ein herio a’n hannog i feddwl am ein hymateb i’r ffaith ein bod ni’n gallu derbyn cyfoeth Duw AM DDIM oherwydd beth wnaeth Iesu Grist ar y groes. Yn dilyn y cyfarfodd roedd cylfe i drafod a holi cwestiynau mewn grwpiau ynglŷn â cynnwys sgyrsiau’r siaradwyr.

Roedd gweithgareddau eraill yn cynnwys chwarae pel-droed, rownderi, hoci, yfed te, gwylio ffilmiau, mynd am drip i’r traeth, bwyta kebabs, siopa yng Nghaer, disgo 80au gwyllt a siarad tan oriau man y bore! Ym mhopeth roedd presenoldeb Duw i’w deimlo ac roeddem yn gadael wedi ein herio a’n calonogi i fyw bywydau sy’n llawn pwrpas er mwyn Iesu Grist.

GRWPIAU RHANBARTHOL > Bydd grwpiau Souled Out Cymru yn cyfarfod yn ystod y flwyddyn ledled Cymru i roi cyfle i ni ddysgu, cefnogi ac annog ei gilydd. Ewch i’r wefan www.souledoutcymru.net i ddarganfod mwy am sut y gallwch chi ymuno!

ADUNIAD 09 > Bydd digwyddiad cyntaf 2009 Aduniad 09 yn cael ei gynnal 2 - 4 Ionawr 2009 yng Ngholeg y Bala. Mae croeso i bawb wynebau hen a newydd.

HAF 09 > Bydd cwrs Haf 09 yn cael ei gynnal 14 – 21 Awst 2009 yng Ngholeg y Bala.

GWNEWCH YN SIWR FOD Y DYDDIADAU YN EICH DYDDIADURON!

Am fwy o wybodaeth am unrhyw un o’r gweithgareddau uchod gallwch:

1) Fynd i’r wefan http://www.souledoutcymru.net/
2) E-bostio gwybodaeth@souledoutcymru.net
3) Ymuno â grwp Souled Out ar Wyneblyfr (Facebook)

Garin Jenkins yn Souled Out (rhan 4/4)

2008-08-23T13:09:00.001+01:00

Cyfweliad a ffilmwyd yn nigwyddiad Souled Out yn y Bala nos Sul diwethaf lle mae'r cyn-chwaraewr Rygbi rhyngwladol Garin Jenkins yn trafod ei fywyd a'i ffydd ar, ac oddi ar y cae. Dyma'r bedwaredd o bedwar rhan.

Er nad yw trwch y cyfweliad yn Gymraeg mae natur y fideo yn Gymreig o leiaf ac maen galondid fod gan Garin Jenkins faich i ddysgu a gwell ei Gymraeg!

Cyfweliad Garin Jenkins (Rhan 3/4)

2008-08-23T12:55:00.001+01:00

Cyfweliad a ffilmwyd yn nigwyddiad Souled Out yn y Bala nos Sul diwethaf lle mae'r cyn-chwaraewr Rygbi rhyngwladol Garin Jenkins yn trafod ei fywyd a'i ffydd ar, ac oddi ar y cae. Dyma'r drydedd o bedwar rhan.

Er nad yw trwch y cyfweliad yn Gymraeg mae natur y fideo yn Gymreig o leiaf ac maen galondid fod gan Garin Jenkins faich i ddysgu a gwell ei Gymraeg!

Cyfweliad Garin Jenkins (Rhan 2/4)

2008-08-23T12:40:00.001+01:00

Cyfweliad a ffilmwyd yn nigwyddiad Souled Out yn y Bala nos Sul diwethaf lle mae'r cyn-chwaraewr Rygbi rhyngwladol Garin Jenkins yn trafod ei fywyd a'i ffydd ar, ac oddi ar y cae. Dyma'r ail ran o bedwar.

Er nad yw trwch y cyfweliad yn Gymraeg mae natur y fideo yn Gymreig o leiaf ac maen galondid fod gan Garin Jenkins faich i ddysgu a gwell ei Gymraeg!

Garin Jenkins yn Souled Out (rhan 1/4)

2008-08-23T11:00:00.001+01:00

Cyfweliad a ffilmwyd yn nigwyddiad Souled Out yn y Bala nos Sul diwethaf lle mae'r cyn-chwaraewr Rygbi rhyngwladol Garin Jenkins yn trafod ei fywyd a'i ffydd ar, ac oddi ar y cae. Dyma'r rhan gyntaf o bedwar.

Er nad yw trwch y cyfweliad yn Gymraeg mae natur y fideo yn Gymreig o leiaf ac maen galondid fod gan Garin Jenkins faich i ddysgu a gwell ei Gymraeg!

TROEDYRHIW 2008

2008-08-21T19:52:00.003+01:00

PLIS GWEDDIWCH DROS TROEDYRHIW BLWYDDYN YMA

NI'N MYND LAN NA DYDD IAU NESA (wythnos i heddi!)

PLIS GWEDDIWCH BYDD DUW YNA CYN NI YN PARATOI CALONNAU A BYDD DUW YN TROI LAN YN BWERUS YN YSTOD YR WYTHNOS

SAFE

Fideo o ddigwyddiad Tearfund yn Steddfod Caerdydd

2008-08-12T17:39:00.001+01:00

ie, dwi'n gwbod, mae'r wefan ar ddiwedd y fideo wedi sillafu yn anghywir! WPS!

Y cyfeiriad cywir ydy WWW.TEARFUND.ORG/CYMRU

Souled Out Cymru | Haf 08 | 15 - 22 Awst

2008-08-11T12:50:00.004+01:00

Wel, mae'r steddfod wedi bod ac wedi mynd ond peidiwch a phoeni mae Cwrs Haf 08, Souled Out Cymru yn dechrau dydd Gwener (15 Awst) am wythnos (tan y dydd Gwener y 22 Awst) yng Ngholeg y Bala. Mae croeso i bawb.

Peidiwch chwaith ag anghofio am Ddigwyddiad 08 sy'n cymryd lle yng Nghanolfan Hamdden y Bala nos Sul nesaf am 7.30 lle bydd Garin Jenkins a Chris Jones yno yn sôn am eu bywyd a'u ffydd, ar, ac oddi ar y cae rygbi.

Am fwy o wybodaeth ynglyn a'r digwyddiadau yma ewch am dro i: www.souledoutcymru.net

Limbo @ Gorlan 2008, Caerdydd

2008-07-28T16:47:00.001+01:00

Hysbyseb: Swyddog Adnoddau gig / beibl.net

2008-07-23T20:41:00.005+01:00

Mae gig yn awyddus i benodi Swyddog Adnoddau rhan-amser i fod yn gyfrifol am ddatblygu a chomisiynu adnoddau i’w gosod ar wefannau beibl.net a gobaith.org.

Bydd gennych weledigaeth o botensial y we a’r dechnoleg newydd i gyfleu neges oesol yr efengyl mewn ffordd ddeinamig i gynulleidfa ifanc. Byddwch yn rhannu brwdfrydedd gig i gyhoeddi efengyl Iesu Grist mewn ffordd berthnasol i siaradwyr Cymraeg.

Mae hwn yn gyfle gwych i weithio fel rhan o dîm, ac i ehangu eich sgiliau a’ch profiad.

Cyflog: hyd at £12,000 y flwyddyn (i’w drafod yn unol â phrofiad a chymwysterau) am 17 awr yr wythnos, gan weithio o’ch cartref. Swydd am flwyddyn yn y lle cyntaf.

Manylion Pellach:
Gellir gwneud ymholiadau anffurfiol â Swyddog Maes gig, Arfon Jones, drwy ffonio 029 2062 3513 neu anfon e-bost at gig.cymru@virgin.net

Dyddiad cau: 29 Awst, 2008

Garin Jenkins yn y Bala mis Awst!

2008-07-21T22:01:00.008+01:00

Nos Sul, 17 Awst 2008 bydd Garin Jenkins yng Nghanolfan Hamdden Y Bala. Bydd yn siarad am ei fywyd a'i ffydd ar, ac oddi ar y cae rygbi. Am fwy o wybodaeth cliciwch yma.

Yn meddwl beth i'w wneud ar nos Lun ....

2008-06-29T21:43:00.003+01:00

Dewch i astudiaeth Feiblaidd yn Aberystwyth nos fory! Rydym wedi bod yn astudio llyfr Nehemeia ar nosweithiau Llun dros yr wythnosau diwethaf. Nos fory byddwn yn darllen Nehemeia 11. Croeso i chi gysylltu gyda ni os hoffech ymuno unrhyw bryd!

Beibl.net yn trydar ar twitter

2008-06-18T20:36:00.003+01:00

Mae beibl.net bellach yn trydar ar twitter a gallwch dderbyn adnod fel neges destun yn ddyddiol! Os nad ydych eisoes yn defnyddio twitter, pwyswch yma i gofrestru.

Gallwch hefyd gael eich hysbysu am y straeon diweddaraf ar Cristnogblog trwy ei ddilyn ar twitter! Pwyswch yma.

Ysblander Frenin Nef (cyflwyno emyn newydd)

2008-06-18T12:49:00.001+01:00

Dyma un o fy hoff emynau cyfoes ar hyn o bryd Ysblander Frenin Nef (The Splendor of the King) gan Chris Tomlin. Recordiad o fand addoli Llanw ydyw - nid yw safon y sain yn y fideo yn dda o bell ffordd ond gobeithio y bydd yn rhoi rhyw syniad i chi o'r emyn.

I Chwarae: CAPO ar y bedwaredd ffret yna'r patrwm cordiau G yn disgyn i Em, C, D ac yna dychwelyd i G - HAWDD!

YSBLANDER BRENIN NEF,
Mawredd sy’n Ei wedd,
Gadewch in lawenhau, dewch i lawenhau,
Mae’n gwisgo golau pur
Mae’n treiddio’r tywyll-dir
Sy’n crynu’n sŵn Ei lais, yn crynu’n sŵn Ei lais.

Mor fawr yw ein Duw,
cenwch fry
Mor fawr yw ein Duw,
fe welwn ni
Mor fawr, mor fawr yw ein Duw.

Fe saif o oes i oes;
Mewn grym teyrnasa’n ddoeth
O’r dechrau a hyd byth, dechrau a hyd byth
Yn Drindod, Ef yw’r Tad,
Y mab a’r Ysbryd Glân
Y llew a’r oen yn un, y llew a’r oen yn un.

Enw’r uchaf Un,
Haedda’n mawl i gyd
Fe ganwn ni
Mor fawr yw ein Duw

Chris Tomlin, Jesse Reeves & Ed Cash
cyf. Martyn Geraint ac Arfon Jones

Wedi meddwl mynd i'r capel ond y pyb yn fwy atyniadol?

2008-06-17T23:20:00.001+01:00

Wedi meddwl mynd i'r capel ond y pyb yn fwy atyniadol? Wel... mae ateb!

CWRDD, Eglwys Dafarn Gymraeg - tafarn The End, Caerdydd, 9 pm - 22 a 29 Mehefin 6 a 13 Gorffennaf

Dyma medd y trefnwyr:

Ni'n byw mewn cymdeithas sy' 'di newid. Dydy mynd ir capel ar y Sul ddim yn norm, dydy Cristnogaeth ddim mor ddylanwadol yng Nghymru ag oedd hi ganrifoedd yn ôl. Ma' lot 'di newid. Ond ma' 'na un peth yn aros yn union run peth. Efengyl Iesu Grist yw honno. Bwriad CWRDD yw cyfuno neges y Dyn adnabyddus hwnnw - Iesu Grist - trwy gyfrwng newydd.

Pwy yw Iesu? Does dim un cymeriad yn hanes y byd wedi'i bortreadu cynifer o weithiau a Iesu Grist. Pa un oedd yn gywir, os unrhywun? Celwyddgi? Gwr Priod? Terfysgwr? Cenedlaetholwr? Arglwydd?
Wrth edrych ar unigolion yn CWRDD yr Iesu yn y Beibl, bydd CWRDD yn eich herio a'ch cwestiynu ynglŷn ag ystrydebau a rhagdybiaethau ynghylch y ffigwr mwyaf dylanwadol yn hanes ein byd.

Ry' ni'n gwneud hyn mewn sefyllfa hollol anffurfiol. Mewn tafarn, mae modd sgwrsio, cymdeithasu a dod i 'nabod ein gilydd yn well. Rhannu'r newyddion da am Iesu - 'na gyd ni ishe neud.

Mwy o wybodaeth a fideo promo AR Y WEFAN

Faint o'r gloch mae'r cwrdd dydd Sul?

2008-06-16T22:05:00.001+01:00

Nid yw mynd i Capel yn boblogaidd dyddiau yma ond hyd yn oed os byddech chi eisiau mynychu cwrdd ar y Sul maen arbennig o annodd gwneud hynny oherwydd nad oes unrhyw ffordd o wybod faint o'r gloch mae'r gwasanaethau. Dim ond nifer fychan iawn iawn o Eglwysi Cymraeg sydd a gwefannau felly dwi wedi cychwyn llenwi map google gyda lleoliadau Eglwysi Cymraeg ynghyd ac amseroedd eu cyrddau. Hyd yma dwi ond wedi rhoi gwybodaeth yr Eglwysi mae gennyf gyswllt a nhw ac felly yn digwydd gwybod y lleoliad ac amseroedd y cyfarfodydd, os ydych chi am i mi ychwanegu eich eglwys chi cysylltwch gyda mi.

Yn ein dydd ni gyda cyn lleied yn mynychu'r cwrdd maen gwbl hurt nad ydy'r Eglwysi yn gwneud mwy o ymdrech i adael pobl i wybod lle a phryd maen nhw yn cwrdd. Gobeithio bydd y map yma yn gymorth:

View Larger Map

Tystiolaethu'n Ddigidol a'r Emerging Church [COI 2008]

2008-06-16T10:16:00.000+01:00

Fel y soniodd Dafydd isod fe wnes i fynychu Cynulliad Oedolion Ifanc yr Annibynwyr dros y penwythnos lle roeddw ni'n siarad ar y testun Tystiolaethu'n Ddigidol a'r Emerging Church. Dyma grynodeb o'r neges, ar waelod y postiad mae dolen i chi islwytho'r anerchiad yn llawn fel PDF.

Gellid dadlau gyda chryn argyhoeddiad fod dylanwad Cristnogaeth ar Gymru wedi bod cyn gryfed os nad yn fwy, dyweder, na dylanwad Marcsiaeth a'r Rwsia. Mae gan Gymru, yn ddi os, hanes gyfoethog o fod yn genedl sydd wedi ei chyffwrdd a'i ddylanwadu gan Gristnogaeth ond gadewch i ni edrych ar y sefyllfa heddiw. Fe ddywedodd 71% (sef dros ddwy filiwn o bobl) ohonom ni ein bod ni'n Gristnogion yn y cyfrifiad diwethaf. Ar bapur felly mae'r Cymry yn Gristnogion ac mae Cymru'n wlad Gristnogol o hyd. Ond fe ddywedodd y cymdeithasegydd Paul Chambers yn ei lyfr Religion, Secularization and Social Chance in Wales (2005) fod crefydd, er gwaetha'r ffaith fod dros 70% o Gymry yn adnabod eu hunain fel Cristnogion, yn farw yng Nghymru: 'Religion in Wales,' meddai Chambers, 'if not entirely dead, is seen as terminally sick, subject to the secularizing influences common throughout Europe.' Mewn ymateb i eiriau sobreiddiol Paul Chambers fan yma yn ogystal a defnydd digon elfennol o'n synhwyrau a'n synnwyr cyffredin ni ellid derbyn, yn ddi gwestiwn o leiaf, ganlyniadau cyfrifiad 2001 a honnodd fod Cymru yn parhau i fod yn wlad fwyafrifol Gristnogol.

Pan gyhoeddwyd Yr Her i Newid yn 1995 dim ond 8.7% o Gymry oedd yn mynychu unrhyw fath o eglwys a ddeng mlynedd yn ddiweddarach mae'r ffigwr wedi syrthio i 6.4%. Sut felly mae ymateb i'r her? Tri ymateb posib:

Ymateb 1: Negyddiaeth a gwrthod newid
Efengyl+Eglwys-Diwylliant = Ffwndamentaliaeth

Ymateb 2: Colli'r ffocws
Eglwys+Diwylliant-Efengyl = Rhyddfrydiaeth

Ymateb 3: Diwygiadol, neu yn Saesneg Reformitionnal
Efengyl+Eglwys+Diwlliant=Diwygiadol

Mae ffaeleddau amlwg yn y ddau ymateb cyntaf ac felly ein dyletswydd ni yw darganfod, arddel a gweithredu ffydd Gristnogiol sydd wedi deall yr Efengyl yn llawn, yn deall beth yw'r eglwys a'i rôl ond hefyd bod yn eglwys sy'n berthnasol yn ddiwylliannol.

Casgliadau

1. Mae'r Eglwys wedi methu a dilyn esiampl Paul ac yn fwy pwysig Iesu, rhaid i ni fel cenhedlaeth beidio efelychu'r genhedlaeth ddiwethaf.

2. Pwysig cofio mae addasu'r cyfrwng ydym ni'n gwneud ac nid addasu'r neges.

3. Iesu sy'n rhoi dilysrwydd i'n math newydd o eglwys ac nid yr hen fath o eglwys.

Rhowch glec yma i ddarllen yr anerchiad yn llawn: Tystioilaethu'n Ddigidol a'r Emerging Church (PDF)

Edrych i'r dyfodol - Cynulliad Oedolion Ifanc

2008-06-16T05:54:00.015+01:00

Daeth tua phymtheg o Gristnogion ifanc ynghyd yn festri Seion, Aberystwyth, ar nos Wener a dydd Sadwrn, ar gyfer Cynulliad Oedolion Ifanc. Wedi'i drefnu gyda chefnogaeth Undeb yr Annibynwyr Cymraeg, bu'n gyfle i wrando ar gyflwyniadau ar y defnydd Cristnogol o dechnoleg newydd, ymateb iddynt gyda thrafodaeth, a gweddio am fendith arnynt.

Wedi defosiwn dan arweiniad Andras Iago a Rhys Llwyd a sesiwn torri'r ia dan arweiniad Hawys Tomos, rhoddodd Dafydd Tudur gyflwyniad ar Cristnogblog a oedd yn edrych yn ôl ar y flwyddyn ddiwethaf a thrafod y dyheadau ar gyfer y dyfodol. Dangosodd fod ymwelwyr wedi dod i'r blog o 1,123 o ymwelwyr wedi dod i'r wefan ers diwedd Tachwedd a bod ymwelwyr newydd yn dod iddi yn ddyddiol. Daeth y gweithgareddau ar nos Wener i ben gyda thorri cacen benblwydd Cristnogblog.

Ar ddydd Sadwrn, cafwyd cyflwyniad gan Arfon Jones ar beibl.net a'i ddatblygiad fel adnodd. Mae beibl.net yn gobeithio cyflogi rhywun i weithio ar y prosiect cyn bo hir, a gofynnodd Arfon inni weddio dros hynny. Mae'r gwaith o baratoi'r Hen Destament ar gyfer y wefan hefyd ar droed, ac mae unrhyw un sydd a diddordeb mewn darllen y proflenni ar ei gyfer i gysylltu ag Arfon trwy'r wefan.

Rhoddodd Rhys Llwyd gyflwyniad ar yr 'Emerging Church' a thystiolaethu'n ddigidol. Gan edrych ar y mudiad newydd hwn, agorodd Rhys drafodaeth ar y berthynas rhwng yr efengyl Gristnogol a'r diwylliant rydym yn byw ynddo. Yn y prynhawn, dangosodd Rhys rai fideos Cristnogol gan wahodd sylwadau ar eu cryfderau a'u gwendidau. Os hoffech ragor o wybodaeth am wneud fideos Cristnogol, bydd Rhys yn falch o glywed gennych.

Yna siaradodd Dafydd Tudur am y gwahanol wefannau sydd ar gael i Gristnogion eu defnyddio'n rhad ac am ddim, gan annog Cristnogion i geisio gweld pa botensial sydd yn y datblygiadau diweddaraf ar y We ar gyfer gwaith Cristnogol.

Gyda'r awyrgylch anffurfiol a'r parodrwydd i drafod yn agored yn ogystal â'r cyfle i dreulio amser yng nghwmni ein gilydd mewn gweddi a defosiwn, bu'r ddigwyddiad yn fendithiol dros ben. Bu son ar ei ddiwedd am y posibilrwydd o gynnal Cynulliad arall ymhen chwe mis. Bydd Cristnogblog yn siwr o gyhoeddi unrhyw newyddion pellach ar hynny!

Torri Syched

2008-06-11T22:02:00.014+01:00

Gwpwl o wythnosau yn ôl cafwyd Torri Syched olaf y flwyddyn golegol yn y Cŵps, Aberystwyth.

Y Brodyr Llwyd fu'n arwain yr addoli (Rhys a Cynan, nid y mynachod!), gydag Owain Roberts yn cyfeirio'n sylw at ein cyfrifoldeb fel Cristnogion yn gyntaf oll i roi'n ffydd yn llwyr yn Iesu Grist.

O ganlyniad i'r gred hon yn Iesu, dylem fod yn caru a gofalu am eraill, gan gynorthwyo gwaith elusennol, fel y gwelir yn y diagram syml isod.

Trwy enghreifftiau o'r Beibl - Galatiaid 3 ac Iago 2 dangoswyd y camgymeriadau arferol o or-bwysleisio un agwedd ar draul y llall, a'r cyngor na ddylem fod yn gwneud yr un camgymeriadau!

Cafwyd cyfarfod bendithiol ac arweiniad amserol iawn gyda chymaint o alw am gymorth elusennau yn dilyn trychinebau mewn gwahannol rannau o'r byd.

Adar y nefoedd!

2008-05-28T22:54:00.007+01:00

A hoffech chi gael gwybod bob tro y bydd rhywbeth newydd yn ymddangos ar Cristnogblog?

Gan ddefnyddio twitter, gwefan sy'n ddigon tebyg i Facebook, mae'n bosibl 'dilyn' Cristnogblog a derbyn ebost neu neges destun bob tro y bydd eitem newydd yn ymddangos ar y wefan!

Mae hefyd yn ffordd wych i ddod i adnabod Cristnogion eraill a chadw mewn cysylltiad â'n gilydd.

Os oes well gennych gadw at y pethau sy'n gyfarwydd i chi, ymunwch â'r grwp Cristnogblog ar Facebook.

Darlith gyhoeddus yn Aberystwyth

2008-05-25T21:53:00.001+01:00

Gwahoddiad i ddathlu penblwydd Cristnogblog!

2008-05-20T20:09:00.005+01:00

Bydd Cynulliad Oedolion Ifanc y tro hwn yn gyfle i ddathlu - dathlu penblwydd Cristnogblog yn 1 oed! Croeso i bawb!

Cynhelir y Cynulliad yn Seion, Stryd y Popty, Aberystwyth, ar benwythnos 13-14 Mehefin. Yn ogystal â dathlu, bydd yn gyfle i gyd-addoli, cymdeithasu, rhannu gwybodaeth a thrafod defnydd Cristnogol o'r dechnoleg newydd!

Mae rhagor o wybodaeth ar Facebook neu gallwch ebostio Cristnogblog gydag unrhyw gwestiynau.

Wythnos Cymorth Cristnogol! 11-17 Mai 2008

2008-05-13T21:45:00.007+01:00

Thema Wythnos Cymorth Crisntogol y flwyddyn hon yw 'Galluogi Pobl'. Os hoffech ragor o wybodaeth am yr ymgyrch, pwyswch yma.

Mae copi o drefn y gwasanaeth sy'n cael ei baratoi gan Gymorth Cristnogol ar gyfer yr wythnos i'w gael yma.

Gig Cymorth Cristnogol - Sadwrn nesa!

2008-05-12T00:53:00.003+01:00

Yr Emyn Cymdeithasol

2008-05-08T07:43:00.007+01:00

Ysgol Undydd

Cymdeithas Emynau Cymru

YR EMYN CYMDEITHASOL

Parchg Guto Prys ap Gwynfor

Dr E Wyn James

Dr Robert Pope

Festri Bethel (Bedyddwyr), Aberystwyth

Sadwrn, 17 Mai 2008

10.30 – 4.30

Cost y diwrnod fydd £15 (yn cynnwys coffi, cinio a the); y tâl am gofrestru’n unig fydd £5. Os y carech chi archebu lluniaeth, a wnewch chi gysylltu â Delyth Morgans cyn gynted ag y bo modd. Croeso cynnes i bawb.

Torri Syched yn y Cwps nos Sul!

2008-04-24T10:29:00.004+01:00

Nos Sul nesa’ (27 Ebrill) fyny grisiau yn y Cwps am 8.30yh fe fydd criw ohonon ni’n dod at ein gilydd i addoli a chymdeithasu. Felly os hoffech chi gael y cyfle i ddod i wasanaeth/addoliad mwy anffurfiol dewch draw am dro! Croeso i bawb!

I'r rhai sydd ar Facebook mae grwp wedi cael ei sefydlu ar gyfer Torri Syched.

£250,000 - dathlu llwyddiant apêl

2008-04-07T15:02:00.008+01:00

Buodd aelodau yr Eglwys Bresbyteraidd wrthi'n rhoi'r efengyl ar waith yn ystod 2007, gan godi arian ar gyfer apêl Sierra Leone Cymorth Cristnogol.

Heddiw daeth y newyddion anhygoel ein bod wedi codi £250,000!

I ddathlu'r llwyddiant yma, bydd noson anffurfiol o jazz gyda'r band Burum yng Nghanolfan y Morlan, Aberystwyth, ar 18 Ebrill. Bydd cynrychiolwyr o Gymorth Cristnogol yn dod i dderbyn yr arian, ac i'w gnoi a'i yfed, bydd digonedd o fwydydd a diodydd Masnach Deg.

BURUM

7.30yh, Ebrill 18

Canolfan y Morlan, Aberystwyth

£5 (£4 i blant)

Uchafbwyntiau Llanw!

2008-04-06T23:13:00.001+01:00

www.llanw.org

Adroddiad am Ymgyrch Caernarfon, Pasg 2008

2008-03-23T22:08:00.000Z

Gwener y Groglith 2008 yn Aberystwyth

2008-03-22T08:56:00.000Z

Lansio Gwefan Souled Out Cymru

2008-03-20T15:06:00.007Z

Mae gwefan newydd wedi ymddangos ar y sin! Gwefan Souled Out Cymru. Rhwydwaith o Gristnogion ifanc (15 – 30 oed) ydi Souled Out Cymru sy’n cyfarfod mewn grwpiau ledled Cymru drwy gydol y flwyddyn gyda’r pwrpas o annog a chefnogi ei gilydd yn eu bywydau Cristnogol. Bydd criw yn dod at ei gilydd gyfer wythnos (15 – 22 Awst 2008) yng Ngholeg y Bala yn ystod yr haf. Os oes gennych chi ddiddordeb ac am wybod mwy ewch am dro i souledoutcymru.net!

Fideoleg

2008-03-18T20:20:00.002Z

~~Oddi ar cristnogaeth.com~~ Wedi ail benderfynnu ni fydd cristnogaeth.com yn cael ei ddefnyddio i hostio'r wefan fideo newydd a bydd yn parhau, yn lle, fel hub i'r dystiolaeth Gristnogol gyffredinol sydd ar y we. Parthed y wefan fideo, cadwch eich clustiau ar y cledrau!

Dewch i Llanw!

2008-03-18T14:18:00.000Z

Dewch i Llanw!

Ymgyrch Caernarfon

2008-03-17T16:52:00.003Z

Wythnos nesaf bydd un o ymgyrchoedd efengylu MEC yn cael ei chynnal yng Nghaernarfon. Pwrpas yr ymgyrch yw rhannu’r newyddion da am Iesu Grist ymhlith pobl nad ydynt yn mynd i’r capel neu eglwys. Mae tua 10 o bobl ar y tîm, y caplan fydd Martin Williams a Steffan Job sy’n arwain. Bydd y tîm yn gweithio gydag Eglwys Bedyddwyr Caersalem a’i gweinidog, John Treharne. Y bwriad yn ystod yr wythnos yw gweithio yn yr ysgolion, o ddrws i ddrws, ac ar y maes yng nghanol Caernarfon. Yn ogystal â hyn trefnir nifer o gyfarfodydd ar gyfer ieuenctid, dysgwyr, yr henoed, ac yn yr awyr agored. Daw’r wythnos i ben gydag Oedfa’r Pasg yn y capel fore Sul y Pasg.

Dyma gynllun bras o’r wythnos:

Dydd Llun – cyrraedd erbyn cinio (1 – 2 o’r gloch), paratoi a chyfarfod gweddi.
Dydd Mawrth – Gwaith Ysgolion, Noson Tearcraft (7.00)
Dydd Mercher – Gwaith Ysgolion a Swper y Pasg (6.45)
Dydd Iau – Coffi a sgwrs (2.00), Cyfarfod ieuenctid yn yr hwyr (7.00)
Dydd Gwener - Oedfa Pasg i’r dysgwyr (7.00)
Dydd Sadwrn – Oedfa awyr agored (11.15), cyfarfod bywyd newydd yn yr hwyr (7.00)
Dydd Sul - Oedfa Pasg (10.00)

Mae croeso i bawb i’r cyfarfod gweddi nos Lun – 7.30 yn y festri yng Nghaersalem.

Gweddïwch yn benodol y bydd Duw yn agor calonnau pobl i dderbyn yr Arglwydd Iesu Grist yn waredwr ac y bydd Duw yn cael ei ogoneddu drwy’r cyfan fydd yn digwydd.

Steffan Job (Swyddog Datblygu Gwaith Cymraeg - Mudiad Efengylaidd Cymru)

Ail gwrs Alffa Cymraeg Bangor yn dod i ben

2008-03-13T23:54:00.000Z

Wythnos yma daeth yr ail gwrs Alffa Cymraeg i ben ym Mangor ac wrth gyd-redeg y Cwrs gyda rhai o'm cyfeillion daeth un peth yn glir yn y ddeialog gyda'r mynychwyr oedd yn chwilio ond heb eto ddod i adnabod Duw*. Daeth i'r amlwg nad oedd y syniad o Iesu fel antidôt i bechod yn atyniadol ac nad oedd yn golygu dim byd i gymdeithas heddiw oherwydd fod y gymdeithas heddiw ddim yn gweld fod yna ddim o'i le i'r antidôt fynd i'r afael ag ef! Wrth gwrs yr ateb systematig i'r ddeilema yma byddai pwyntio allan nad oedd y mynychwyr wedi cael eu hargyhoeddi o'i pechod eto ac mae dyna fyddai'r cam cyntaf i werthfawrogi pam y bu Iesu farw. Er fod hynny wrth gwrs yn ysgrythurol gywir, mewn realiti nid yw hi'n ymarferol hel mynychwyr y cwrs Alffa adref a dweud wrthyn nhw ddychwelyd wedi iddyn nhw gael eu hargyhoeddi o'i pechod! Perodd y ddeilema hon i mi edrych yn ddyfnach i mewn i'r rheswm pam y bu Iesu farw ac fe wawriodd arna i y bod y groes a gwirionedd Iesu yn gymaint mwy nag antiodôt i bechod yn unig.

Yn llythyr Paul at y Philipiaid daw’n eglur fod croes a gwirionedd Crist wedi ein harfogi i wynebu problemau a helbulon y byd hwn yn ogystal a'n paratoi ar gyfer y daith olaf. Dyma rai enghreifftiau: does dim gwadu fod unigrwydd yn broblem enfawr yn ein cymdeithas heddiw – mae’n broblem sy'n cael ei guddio drwy ddibyniaeth pobl ar gwmni y teledu a chyfryngau tebyg. Yn adnodau agoriadol yr epistol at y Philipiad (1:1-11) mae hyder a gobaith Paul yn rhyfeddol a hynny yn wyneb yr unigrwydd difrifol yr oedd yn ei wynebu mewn cell. Ymhellach yn y bennod gyntaf mae Paul yn dangos sut mae croes a gwirionedd Iesu yn gynhaliaeth yn wyneb dioddefaint (1:12-18) a hyd yn oed marwolaeth (1:19-30). Ymlaen yn y drydedd bennod gwelwn groes a gwirionedd Iesu yn gynhaliaeth yn wyneb tensiynau a chynnen (3:1-11) a'r blinder (3:12-4:1) sy'n ein goddiweddid ni gyd o bryd i'w gilydd. Maen debyg mae'r cyflwr meddyliol sy'n llorio'r mwyaf o bobl heddiw yw pryder (anxiety) ac yn achos llawer o bobl mae'r cyflwr mor ddifrifol fel fod angen cymryd cyngor doctor a da o beth fod y cyngor hwnnw ar gael. Ond fe all y Meddyg Da yn ogystal a'r GP ein cynnal a'n cynorthwyo pan yn wynebu pryder difrifol, oherwydd fel y dywed Paul:

'Llawenhewch yn yr Arglwydd bob amser; fe'i dywedaf eto, llawenhewch. Bydded eich hynawsedd yn hysbys i bob dyn. Y mae'r Arglwydd yn agos. Peidiwch â phryderu am ddim, ond ym mhob peth gwneler eich deisyfiadau yn hysbys i Dduw trwy weddi ac ymbil, ynghyd â diolchgarwch' (3:4-6)

.

Yn olaf mae croes a gwirionedd Iesu yn gynhaliaeth i ni yn wyneb tlodi (4:10-23).

Dwi'n gobeithio fod mynychwyr y Cwrs Alffa wedi cael budd, mi ges i fel un o'r trefnwyr fudd yn sicr a gwnaeth les i mi ystyried o'r newydd pam y bu Iesu wir farw ar y Groes? Do fe fu farw 'yn ein lle ni' ond roedd yn golygu gymaint mwy na hynny hefyd. Croeso mawr i chi fynychu Cyrsiau Alffa yn eich ardal chi.

Mwy o wybodaeth ar www.alffa.org

*Disclemer: Nhw eu hunain sy'n dweud hyn nid yfi sy'n collfarnu a neidio i gasgliadau. Maen eithriadol o bwysig i Alffa hefyd fod enwau y mynychwyr yn ysbryd 'what happens on tour stays on tour' yn aros yn guddiedig!

Gosber@Llanw

2008-03-13T00:27:00.000Z

sesiwn addoliad hwyr i bob oedran a bob enwad a mudiad!

dewch a disgwyl cwrdd a Duw!

pob nos 10.00 pm

25-28 Mawrth, 2008
Llangrannog

www.llanw.org

Alffa Cymraeg!

2008-03-06T11:39:00.007Z

Yn ddiweddar fe fues i am drip i Lundain am benwythnos a chael y cyfle i fynd i wasanaeth yn Eglwys Holy Trinity Brompton. Mae’r eglwys hon yn adnabyddus fel man geni’r Cwrs Alffa.

Pwrpas y cwrs yw cyflwyno hanfodion y ffydd Gristnogol yn syml ac mewn awyrgylch anffurfiol. Ers dechrau’r nawdegau mae’r cwrs hwn wedi lledaenu’n aruthrol o gyflym trwy Brydain a ledled y byd. Erbyn hyn credir fod dros 11 miliwn o bobl ar draws y byd wedi dilyn y cwrs mewn 163 o wledydd.

Un o’i gryfderau mawr yw ei fod yn gallu estyn dros pob math o finiau ac mae pob math o addasiadau gwahanol o’r cwrs i’w cael yn cynnwys Alffa i fyfyrwyr, Alffa i Ieuenctid, Alffa mewn Carchardai, Alffa yn y lluoedd arfog, Alffa mewn cyd-destun Catholig, Alffa yn y gweithle, Alffa i bobl hyn … (ydw i wedi gwneud fy mhwynt?!!!). Yn ogystal, mae’r cwrs bellach wedi ei gyfieithu i nifer o ieithoedd gwahanol.

Ond beth am Alffa yn y Gymraeg? Wel, mae Alffa wedi bod yn rhedeg drwy gyfrwng y Gymraeg ledled Cymru ers nifer o flynyddoedd ond am y tro cyntaf mae Alpha International (sydd â swyddfa yn yr Eglwys yn Llundain) wedi penodi Cymraes o'r enw Bethan Mogford yn 'Relationship Manager' ar gyfer Cymru. Mae hi’n awyddus iawn i gefnogi pobl sy’n cynnal y cwrs yn barod yn ogystal â phobl sydd â diddordeb rhedeg y cwrs yn y dyfodol. Gallai hyn olygu trefnu hyfforddiant a chyngor i arweinwyr ac edrych ar ffyrdd o wella’r adnoddau sydd ar gael yn y Gymraeg a mwy…

Felly, os ydych chi:-

- yn rhedeg cwrs ar hyn o bryd
- a diddordeb mewn rhedeg cwrs yn y dyfodol
- ddim yn gyfarwydd a’r cwrs Alffa ond eisiau gwybod mwy
- yn gyfarwydd a’r cwrs Alffa ond eisiau gwybod mwy

… cadwch olwg am fanylion diwrnod ‘Alffa Cymraeg’
(cyfarfod a fydd yn gyfle i drafod a darganfod mwy waith Alffa Cymraeg)
… ymunwch â’r grŵp Facebook ‘Alffa Cymraeg’ ar y we,
… cysylltwch â Bethan Mogford am unrhyw rheswm/ cael sgwrs/ gofyn cwestiwn:
bethan.mogford@alpha.org.uk
ffon: 020 7052 0495

Mae mwy o wybodaeth i’w gael ar y gwefannau canlynol:

Gwefan Alffa Cymraeg – http://www.alffa.org/
Gwefan Ryngwladol Alpha – http://www.alpha.org/
Gwefan Ffrindau Alffa – http://www.alphafriends.org/

Cwis Mawreddog UCCA

2008-03-05T21:27:00.002Z

Mae pawb yn joio cwis ac yn wir nid oedd Nos Fercher yn eithriad! Gyda Rhun Emlyn yn gwisfeistr mewn siaced ledr, diodydd Fresh Ground a rownd cyfan ar Bobol y Cwm roedd y noson yn lwyddiant sicr!
Bwriad Undeb Cristnogol Cymraeg Aberystwyth yw cynnal amryw o ddigwyddiadau i geisio codi ymwybyddiaeth yr undeb ymhlith myfyrwyr Aber ond ein nod pennaf yw rhannu'r efengyl gyda nhw. Roedd y cwis yn gyfle i hyrwyddo ein cwrs Darganfod Cristnogaeth sy'n cael ei gynnal bob nos Iau am 7 y.h yn Ystafell Gyffredin Hyn, Pantycelyn. Dangoswyd ffilm fer ar ddiwedd y cwis i annog pobl i feddwl am bwrpas bywyd. Rhai misoedd yn ol aethom o amgylch Pantycelyn yn gofyn i'r preswylwyr pam eu bod wedi dewis dod i Aber ac yna beth, yn eu tyb hwy, yw pwrpas bywyd? Ar ddiwedd y ffilm dangoswyd eiriau Iesu Grist, a'i ymateb Ef i'r cwestiwn:

" Yr wyf fi wedi dod er mwyn i ddynion gael bywyd, a'i gael yn ei holl gyflawnder."
Ioan 10:10
Y tim buddugol oedd "Y Cawrion", llongyfarchiadau, gobeithio i chi fwynhau eich gwobr!

Ein syniad nesaf yw cynnal noswaith meic agored felly cadwch eich clustiau yn agored...yn llythrennol!

Beibl.net - y diweddaraf

2008-03-04T10:53:00.004Z

Dyma nodyn sydyn i’ch hysbysu fod Beibl.net ar ôl deufis rhwystredig yn gwella gam wrth gam! Mae fersiwn anllygredig o’r wefan bellach nôl arlein. Yn ogystal mae nifer cyfyngedig o’r adnoddau ar gael. Rhaid pwysleisio fodd bynnag nad ydi’r wefan yn gwbl holliach. Rydym yn gobeithio symud y wefan i weinydd newydd a fydd yn sicrhau fod y wefan yn fwy dibynnadwy.

Os ydych chi’n dal i weld fersiwn llygredig o’r wefan arlein bydd angen i chi ddileu eich ‘Temporary Internet Files’ yn eich porwr we (Internet Explorer, Firefox ayyb) ac yna cyfeirio’r porwr at http://www.beibl.net/.

Diolch am eich hamynedd!

Gwasanaeth gan Undeb Gristnogol Aber yn y Santes Fair

2008-03-02T11:40:00.002Z

Dwi newydd dderbyn yr e-bost hwn yn dweud bod:

Undeb Gristnogol Aberystwyth yn cynnal gwasanaeth heno yn Eglwys Santes Fair am 6.
Croeso i bawb!

Llythyr Gweddi Diweddara' GiG

2008-03-02T11:20:00.001Z

Yn ystod yr wythnos ddiwethaf cafodd Llythyr Gweddi diweddaraf Gobaith i Gymru ei anfon allan at gefnogwyr y gwaith ledled Cymru. Dilynwch y ddolen hon i gael gweld copi o’r llythyr. GiG yw’r elusen sy’n gyfrifol am am gynnal gwaith Beibl.net.

Os hoffech chi gefnogi gwaith GiG trwy weddi neu mewn unrhyw ffordd arall gallwch ychwanegu eich henw i restr cefnogwyr GiG (dim ond 3 gwaith y flwyddyn caiff y llythyrau eu hanfon allan!) trwy e-bostio - owain.roberts@gmail.com neu ar Facebook.

Cofio Sion

2008-02-14T09:56:00.006Z

Bu i ni ddeffro fore Sadwrn diwethaf (9fed Chwefror) i glywed y newyddion brawychus fod Sion Ifan Evans wedi marw yn 27 oed yn dilyn damwain yng Ngholeg y Bala yn oriau man y bore. Roedd Sion yn enedigol o Lwyndafydd, Ceredigion ac yn 2004 yn dilyn cyfnod yn y Brifysgol ym Mangor, fe’i hapwyntiwyd yn Weithiwr Ieuenctid Eglwys Bresbyteraidd Cymru ac yn Is-warden Coleg y Bala. Doedd Sion ddim yn un i fod yn segur ac fe fu iddo fyw bywyd llawn a gyffyrddodd fywydau lawer iawn o bobl.

Un o’r pethau cyntaf a sylwai pobl arno oedd ei addfwynder a oedd yn ei wneud yn berson agos-atoch dros ben. Roedd yn berson cydwybodol a dibynadwy a deuai â brwdfrydedd a phroffesiynoldeb i bopeth a wnai. Roedd yn ffrind da ac yn un y gallech ymddiried ynddo bob amser. Roedd llawer iawn o hwyl i’w gael gydag o hefyd (gallai fod yn ddireidus iawn ar brydiau!) ac mae gan lawer ohonom ni atgofion ohono sy’n dal i beri ni chwerthin! Yn sylfaen i hyn i gyd a’r ffordd y bu iddo fyw ei fywyd oedd ei ffydd gadarn yn Iesu Grist. Ffydd a dreiddiai i bob rhan o’i fywyd ac a oedd i’w weld yn eglur ym mhopeth a wnai. Rydym ni’n cofio’n arbennig am ei rieni, ei chwaer a’r teulu i gyd.

Bydd angladd Sion yn cael ei gynnal bnawn Sadwrn nesaf, Chwefror 16eg am 1:00 o’r gloch yng Nghapel yr Annibynwyr, Nanternis, ger Llwyndafydd, Ceredigion.

Bydd Oedfa Goffa i ddiolch am fywyd Siôn yng Nghapel Tegid, Y Bala, dydd Sadwrn, Mawrth 8fed am 2:00 o’r gloch.

Cylchlythyr ac e-fwletin newydd

2008-02-08T15:15:00.000Z

Mae gan yr Hen Gorff driciau newydd - cylchlythyr a bwletin electronig newydd.

Mae'r ddau yn rhannu'r enw Rhwydwaith (neu Network yn Saesneg), a'r gobaith yw y byddant yn fodd o rannu newyddion da a syniadau gwahanol, er mwyn i ni geisio ysbrydoli'n gilydd ac osgoi colli golwg ar yr hyn sy'n bwysig.

Gyda diwyg cyfoes ac yn llawn o luniau, mae cyfryngau Rhwydwaith yn ceisio dangos bod Crist yn berthnasol i ni heddiw - a bod ei eglwys yn fyw ac yn fywiog!

Does dim rhaid bod yn aelod o'r Eglwys Bresbyteraidd i'w mwynhau: gallwch lawrlwytho copi o'r rhifyn cyntaf o'r cylchlythyr neu roi eich henw ar restr dderbyn y bwletin drwy ymweld â gwefan yr Eglwys Bresbyteraidd.

I'w roi yn y dyddiadur ... Oedfa Gyfoes, 1 Mawrth 2008

2008-02-08T13:35:00.000Z